មនុស្ស៥នាក់លោតចូលទឹកទន្លេជួយសង្គ្រោះស្រីម្នាក់ ចុងក្រោយស្លាប់ទាំងអស់
- 2016-07-19 15:42:40
- ចំនួនមតិ 0 | ចំនួនចែករំលែក 0
មនុស្ស៥នាក់លោតចូលទឹកទន្លេជួយសង្គ្រោះស្រីម្នាក់ ចុងក្រោយស្លាប់ទាំងអស់
ចន្លោះមិនឃើញ
មនុស្សចំនួន៦នាក់បានលង់ទឹកស្លាប់យ៉ាងអាណោចអាធ័ម បន្ទាប់ពីនារីម្នាក់លោតចូលទឹកទន្លេធ្វើអត្តឃាត ហើយត្រូវមនុស្ស៥នាក់ទៀតលោតតាមទាំងក្លាហាន ដើម្បីជួយសង្គ្រោះនាងពីការធ្វើអត្តឃាត។ ហេតុការណ៍ដ៏គួរឲ្យភ្ញាក់ផ្អើលនេះបានកើតឡើង កាលពីវេលាម៉ោង៦ និង ៤៥នាទីល្ងាច ថ្ងៃអាទិត្យ ទី១៧ ខែកក្កដា ឆ្នាំ២០១៦ កន្លងទៅនេះ នៅក្នុងទីក្រុង Dunhuang ខេត្ត Gansu ប្រទេសចិន។
នៅមុនពេលកើតហេតុ មិត្តរួមការងារចំនួន៥នាក់ មកពីក្រុមហ៊ុនក្នុងស្រុកមួយ កំពុងតែអង្គុយលេងជុំគ្នាទទួលទានអាហារ និងភេសជ្ជៈយ៉ាងសប្បាយរីករាយ។ រំពេចនោះស្រាប់តែនារីវ័យ១៩ឆ្នាំម្នាក់ ដែលស្ថិតក្នុងចំណោមនោះ មានឈ្មោះថា ម៉ា បាននិយាយថា នាងមិនចង់រស់នៅតទៅទៀតឡើយ ហើយក៏លោតចូលទឹកទន្លេក្បែរនោះតែម្ដង។
ដំបូងឡើយនារីរងគ្រោះត្រូវមិត្តរួមការងារ៤នាក់ ជួយសង្គ្រោះនាងបានសម្រេចដោយទាញនាងចេញពីក្នុងទឹក។ ផ្ទុយទៅវិញ ដោយសារតែមិនចង់រស់ នារីរងគ្រោះបានត្រលប់ទៅលោតចូលទឹកទន្លេវិញ ធ្វើឲ្យមិត្តរួមការងារ ៤នាក់ និងអ្នកលក់អាហារក្បែរនោះម្នាក់ដែរ លោតចូលទៅតាមដើម្បីជួយនាង។ តែជាអកុសល មនុស្សទាំង៦នាក់ដែលលោតចូលទឹកទន្លេនោះបានលង់ស្លាប់ទាំងអស់តែម្តង៕
ប្រែសម្រួល ៖ សេង ឡុង ប្រភព ៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
