ផ្ទុះឆេះរថយន្តក្រុងស្លាប់អ្នកទេសចរ២៦នាក់នៅតៃវ៉ាន់
- 2016-07-20 00:35:29
- ចំនួនមតិ 0 | ចំនួនចែករំលែក 0
ផ្ទុះឆេះរថយន្តក្រុងស្លាប់អ្នកទេសចរ២៦នាក់នៅតៃវ៉ាន់
ចន្លោះមិនឃើញ
មនុស្សចំនួន២៦នាក់ ក្នុងរថយន្តក្រុងដឹកអ្នកដំណើរបានស្លាប់យ៉ាងអាណោចអាធ័ម ពេលរថយន្តត្រូវភ្លើងឆេះយ៉ាងសន្ធោសន្ធៅ ក្រោយបុកនឹងបង្កាន់ដៃផ្លូវ Expressway ជិតព្រលានយន្តហោះអន្តរជាតិ Yaoyuan នារសៀលថ្ងៃអង្គារនេះ នៅកោះតៃវ៉ាន់។
ជនរងគ្រោះទាំងនោះមាន ២៤នាក់ជាអ្នកទេសចរចិន អ្នកនាំផ្លូវចិន និងអ្នកបើកបរតៃវ៉ាន់ម្នាក់។ គ្រោះថ្នាក់ចរាចរណ៍ដ៏អាក្រក់បំផុតមិនធ្លាប់មានតាំងពីឆ្នាំ ២០០៨ នៅតៃវ៉ាន់នេះ បានកើតឡើងនៅម៉ោង ១រសៀល ថ្ងៃទី ១៩កក្កដា។ ពេលកើតហេតុ រថយន្តក្រុងបានដឹកភ្ញៀវទេសចរបានធ្វើដំណើរទៅកាន់ព្រលាន ដើម្បីឲ្យពួកគេធ្វើដំណើរទៅកាន់ប្រទេសកំណើតវិញនាម៉ោង ៤៖៣០នាទី ក្រោយបញ្ចប់ការដើរលំហែរយៈពេល ៨ថ្ងៃនៅតៃវ៉ាន់។ មូលហេតុនៃការបុកនេះគេពុំទាន់ដឹងនៅឡើយទេ ដោយប៉ូលិសកំពុងស៊ើបអង្កេត៕
ប្រែសម្រួល៖ ឡេង ភារុណ ប្រភព៖ CNN