ពូជម្ទេសហឹរជាងគេលើលោកហ៊ានញ៉ាំ ហ៊ានយំមួយអាទិត្យ
- 2016-07-20 21:49:45
- ចំនួនមតិ 0 | ចំនួនចែករំលែក 0
ពូជម្ទេសហឹរជាងគេលើលោកហ៊ានញ៉ាំ ហ៊ានយំមួយអាទិត្យ
ចន្លោះមិនឃើញ
ម្ទេសមួយប្រភេទ ត្រូវបានគេទទួលស្គាល់ថា មានជាតិហឹរខ្លាំងមែនទែន រហូតដល់អ្នកល្មមៗញ៉ាំត្រូវតែយំថ្ងូរហូរទឹកភ្នែកមួយអាទិត្យទើបបាត់។
ពូជម្ទេសហឹរជាងគេបំផុតក្នុងពិភពលោកនេះឈ្មោះ Carolina Reaper ត្រូវបានដាំដុះក្នុងចម្ការម្ទេសធំបំផុតរបស់អង់គ្លេសឈ្មោះ Salvatore Genovese លើផ្ទៃដី ៧អា ក្នុងសង្កាត់ Blunham ទីក្រុង Bedfordshire ។
បើតាមប្រភព Carolina Reaper មានដើមកំណើតចេញពីរដ្ឋ South Carolina សហរដ្ឋអាមេរិក ហើយគេឃើញចាប់ផ្ដើមចរាចរលើទីផ្សារអង់គ្លេសនៅថ្ងៃពុធទី ២០កក្កដានេះ។ អតិថិជន ត្រូវបានណែនាំឲ្យពាក់ស្រោមដៃ ពេលចាប់កាន់ម្ទេស និងប្រុងប្រយ័ត្នខ្ពស់បំផុតពេលចិតពុះ។
ជាតិហឹររបស់ Carolina Reaper ជាប់កំណត់ត្រា Guinness Book of Records តាំងពីថ្ងៃទី ៧សីហា ឆ្នាំ ២០១៣ ជាមួយកម្រិត ១ ៥៦៩ ៣០០SHU (រង្វាស់ជាតិហឹរ) និងម្ទេស Naga Viper មាន ១ ៣៨២ ១១៨SHU ជាប់លេខពីរ៕
ចុចអាន៖ បុរសម្នាក់ញ៉ាំម្ទេសជាងពីរគីឡូក្នុងមួយថ្ងៃ អត់មានបញ្ហា
ចុចអាន៖ ជនភៀសខ្លួនបែកគំនិតលក់ទឹកម្ទេសនៅអាមេរិក រហូតក្លាយជាមហាសេដ្ឋី
ប្រែសម្រួល៖ ឡេង ភារុណ ប្រភព៖ The Guardian