១៥សន្លឹក បង្ហាញពីសន្តានចិត្តដ៏ល្អរបស់មនុស្ស គួរឲ្យស្ញប់ស្ញែង
- 2016-07-21 21:46:03
- ចំនួនមតិ 0 | ចំនួនចែករំលែក 0
១៥សន្លឹក បង្ហាញពីសន្តានចិត្តដ៏ល្អរបស់មនុស្ស គួរឲ្យស្ញប់ស្ញែង
ចន្លោះមិនឃើញ
គេហទំព័របរទេសមួយបានប្រមូលផ្ដុំកម្រងរូបភាពជាច្រើន ដែលបង្ហាញឲ្យឃើញពីសន្តានចិត្តដ៏ល្អ គួរឲ្យស្ញប់ស្ញែងរបស់មនុស្សចំពោះអ្នកដទៃ នៅជុំវិញពិភពលោក ដែលឃើញហើយពិតជាធ្វើឲ្យអ្នក ចង់ប្រព្រឹត្តិតែអំពើល្អជាក់ជាមិនខាន។
១) បុរសម្នាក់ទិញសត្វអណ្ដើកជាច្រើនក្បាលពីផ្សារ រួចយកទៅលែងនៅសមុទ្រ
២) ប៉ូលិសម្នាក់បាននិយាយលួងលោមបុរសម្នាក់មិនឲ្យធ្វើអត្តឃាត.... ៨ឆ្នាំក្រោយមក បុរសរូបនោះបានផ្តល់ពានរង្វាន់ឲ្យប៉ូលិសនោះ នៅឯអង្គការមិនរកកម្រៃមួយ មានឈ្មោះថា «American Foundation Of Suicide»
៣) ក្មេងប្រុសដ៏ក្លាហានម្នាក់ប្រថុយជីវិត ដើម្បីជួយសង្គ្រោះកូនក្ដាន់តូចមួយក្បាលចេញពីទឹកជំនន់ នៅក្នុងប្រទេសបង់ក្លាដេស
៤) បុរស២នាក់ជួយកាត់ស្មៅឲ្យដទៃ ជាពិសេសមនុស្សចាស់ជរាដែលមិនអាច ឬគ្មានសមត្ថភាពធ្វើ
៥) បុរសម្នាក់ឲ្យស្បែកជើងគាត់ទៅក្មេងស្រីអនាថាម្នាក់ នៅក្នុងទីក្រុង Rio De Janeiro ប្រទេសប្រេស៊ីល
៦) អ្នកបម្រើជនជាតិប៉ាគីស្ថានបញ្ចុកអាហារជនអនាថាម្នាក់ ដែលមិនអាចប្រើដៃកាន់អាហារហូបបាន
៧) ក្នុងអំឡុងពេលការតវ៉ាមួយនៅក្នុងប្រទេសប្រេស៊ីល មន្ត្រីប៉ូលិសម្នាក់បាននិយាយថា «កុំបង្ករឿងឲ្យសោះ... កុំបង្ករឿងក្នុងថ្ងៃខួបកំណើតរបស់ខ្ញុំ» មិនយូរប៉ុន្មានក្រុមអ្នកតវ៉ាបានធ្វើឲ្យប៉ូលិសរូបនោះភ្ញាក់ផ្អើលតែម្ដង
៨) បុគ្គលិកម្នាក់ដោះឆត្រចេញពីតុ រួចជួយបាំងឲ្យបុរសចំណាស់ម្នាក់ដើរទៅរថយន្ត ខណៈមេឃកំពុងភ្លៀងខ្លាំង
៩) ជារៀងរាល់ល្ងាច បុរសម្នាក់នេះនាំយកសត្វសុនខរបស់គាត់ ទៅងូតទឹកបឹងមួយកន្លែង ដោយសារតែទឹកអាចជួយកាត់បន្ថយការឈឺចាប់ របស់សត្វសុនខគាត់បាន
១០) កូនកំលោះក្រមុំជនជាតិតួកគីមួយគូ ចែកអាហារឲ្យជនភៀសខ្លួនចំនួន ៤ពាន់នាក់ នៅក្នុងថ្ងៃមង្គលការរបស់ពួកគេ
១១) អ្នកបើកបររថយន្តក្រុងម្នាក់ចុះពីលើរថយន្តដែលកំពុងដឹកអ្នកដំណើរពេញរថយន្ត ដើម្បីជួយក្មេងស្រីដែលកំពុងយំម្នាក់
១២) មនុស្សជាច្រើនជួយគ្នារុញរថភ្លើងមួយគ្រឿងដើម្បីជួយសង្គ្រោះមនុស្សម្នាក់ ដែលជាប់នៅក្រោមរថភ្លើងនោះ
១៣) ប៉ូលិសម្នាក់អោបសមាជិកថ្មីក្នុងគ្រួសាររបស់គាត់
១៤) បុរស២នាក់ Surprise បុរសអនាថាម្នាក់ ជាមួយនឹងអាហារ និងអំណោយមួយចំនួនក្នុងថ្ងៃបុណ្យណូអែល
១៥) ប៉ូលិសជប៉ុនជួយហ្វូងសត្វទាដើរឆ្លងផ្លូវ
ប្រែសម្រួល ៖ សេង ឡុង ប្រភព ៖ boredpanda