Pochettino ត្រូវអាហ្សង់ទីនទាក់ទងទៅដឹកនាំជម្រើសជាតិ
- 2016-07-23 20:08:30
- ចំនួនមតិ 0 | ចំនួនចែករំលែក 0
Pochettino ត្រូវអាហ្សង់ទីនទាក់ទងទៅដឹកនាំជម្រើសជាតិ
ចន្លោះមិនឃើញ
អ្នកចាត់ការទូទៅ Tottenham លោក Mauricio Pochettino កំពុងត្រូវទាក់ទងដោយសហព័ន្ធបាល់ទាត់អាហ្សង់ទីនដើម្បីជំនួសតំណែងលោក Gerardo Martino នៅក្រុមជម្រើសជាតិ។
បើតាមការបញ្ជាក់ពីប្រធានសហព័ន្ធលោក Armando Perez បានបញ្ជាក់ថា គាត់មានគម្រោងធ្វើដំណើរទៅកាន់អង់គ្លេសដើម្បីពិភាក្សាជាមួយអ្នកចាត់ការវ័យក្មេង និងជាអតីតកីឡាករជម្រើសជាតិអាហ្សង់ទីនរូបនេះ ហើយក្នុងនោះ លោក Diego Simeone អ្នកចាត់ការ Atletico និង Jorge Sampaoli អ្នកចាត់ការ Sevilla ក៏ស្ថិតក្នុងការពិចារណាផងដែរ។
Pochettino គឺជាអ្នកចាត់ការទូទៅមួយរូបជនជាតិអាហ្សង់ទីនដែលមានសមត្ថភាព បណ្ដុះយុវជន ពិសេសកាលពីរដូវកាលមុន Spurs ក្រោមការដឹកនាំរបស់លោក បើទោះជាសំបូរដោយកីឡាករក្មេងៗ តែអាចប្រជែងគ្នាដណ្ដើមពាន Premier League ជាមួយ Leicester រហូតដល់ចុងរដូវកាល និងបញ្ចប់ក្នុងចំណាត់ថ្នាក់លេខ៣៕
ប្រែសម្រួល៖ វីរ៉ុត ប្រភព៖ Mirror