អារម្មណ៍ យុវជនអូស្ត្រាលីអរគុណអ្នកគាំទ្រកម្ពុជា
- 2016-07-25 13:09:22
- ចំនួនមតិ 0 | ចំនួនចែករំលែក 0
អារម្មណ៍ យុវជនអូស្ត្រាលីអរគុណអ្នកគាំទ្រកម្ពុជា
ចន្លោះមិនឃើញ
ក្រុមបាល់ទាត់ជម្រើសជាតិអូស្ត្រាលីអាយុក្រោម១៦ឆ្នាំទទួលបានការគាំទ្រខ្លាំងពីអ្នកគាំទ្រកម្ពុជានៅពេលដែលពួកគេប្រកួតវគ្គពាក់កណ្តាលផ្តាច់ព្រ័ត្រជាមួយក្រុមយុវជនថៃ និងវគ្គផ្តាច់ព្រ័ត្រជាមួយក្រុមយុវជនវៀតណាមនៃពានរង្វាន់ AFF U16 Championship 2016។
បន្ទាប់ពីពួកគេឈ្នះជើងឯក AFF U16 Championship 2016 កាលពីល្ងាចមិញ មើលទៅទឹកមុខពួកគេពិតជារំភើបរីករាយនឹងអ្នកគាំទ្រកម្ពុជា និងបានអរគុណដល់អ្នកគាំទ្រកម្ពុជាដែលបានផ្តល់កម្លាំងចិត្តដល់ពួកគេយ៉ាងខ្លាំង។
យុវជនអូស្ត្រាលីឈ្មោះ Dylan Pierias បាននិយាយថា ៖«អ្នកគាំទ្រកម្ពុជាអស្ចារ្យខ្លាំងណាស់ដែលបានគាំទ្រពួកយើង។ ខ្ញុំពិតជាស្រលាញ់ប្រជាជនកម្ពុជា ហើយខ្ញុំមិនដឹងថា និយាយយ៉ាងម៉េចទេពីអារម្មណ៍របស់ខ្ញុំឲ្យសមនឹងទឹកចិត្តគាំទ្រកម្ពុជាគឺមានតែពាក្យថា អរគុណ»។
មុននឹងក្លាយជាជើងពានរង្វាន់យុវជនអាយុ១៦ឆ្នាំអាស៊ីអាគ្នេយ៍ឆ្នាំ២០១៦នេះ ក្រុមយុវជនអូស្ត្រាលីបានយកឈ្នះក្រុមយុវជនថៃដោយទាត់បាល់ប៉េណាល់ទីក្នុងលទ្ធផល ៥-៣ បន្ទាប់ពីស្មើគ្នា ៣-៣ នៅវគ្គពាក់កណ្តាលផ្តាច់ព្រ័ត្រ ហើយនៅវគ្គផ្តាច់ព្រ័ត្រអូស្ត្រាលីបានយកឈ្នះយុវជនវៀតណាមដោយលទ្ធផលប៉េណាល់ទី ៥-៣ បន្ទាប់ពីស្មើ៣-៣។ ការប្រកួតចុងក្រោយទាំងពីររបស់អូស្ត្រាលីសុទ្ធតែទទួលបានការគាំទ្រខ្លាំងពីអ្នកគាំទ្រកម្ពុជា៕
សូមទស្សនាវីដេអូ
អត្ថបទ៖ ជាន ចាន់រ៉ា