ថតបានភ្លើងពណ៌ខៀវចម្លែក ហោះកាត់ប្រលានយន្តហោះ នៅសហរដ្ឋអាមេរិក

2016-07-25 15:48:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ បុគ្គលិកធ្វើការនៅឯប្រលានយន្តហោះជាច្រើននាក់ មានការភ្ញាក់ផ្អើលយ៉ាងខ្លាំង បន្ទាប់ពីប្រទះឃើញភ្លើងពណ៌ខៀវដ៏ចម្លែក ហោះនៅលើផ្ទៃមេឃកាត់ប្រលានយន្តហោះ ក្នុងទីក្រុង Maimi សហរដ្ឋអាមេរិក ខណៈអ្នកដែលបានឃើញមិនរង់ចាំយូរ បានដកទូរសព្ទមកថតយកហេតុការណ៍ដ៏ចម្លែកនេះភ្លាមៗតែម្តង។

រូបភាពដែលថតបាននៅពេលកើតហេតុ បង្ហាញឲ្យឃើញយ៉ាងច្បាស់ពីពន្លឺភ្លើងពណ៌ខៀវដ៏ចម្លែកនោះ។ ជាមួយគ្នានេះដែរ គេក៏បានថតជាវីដេអូ និងយកទៅបង្ហោះលើបណ្តាញអ៊ីនធឺណិត ដែលនាំឲ្យមានការបញ្ចេញមតិផ្សេងៗគ្នា ដោយខ្លះនិយាយថា «វាជាការលុកលុយពីអវកាស» ខណៈអ្នកខ្លះនិយាយថា «វាអាចជាបំណែកផ្កាយដុះកន្ទុយដែលផ្ទុកទៅដោយ ទឹក និងឧស្ម័នកកច្រើន»។ ផ្ទុយទៅវិញ មានមនុស្សម្នាក់បាននិយាយថា «វាជាការបាញ់គ្រាប់រ៉ុកកែតពីរដ្ឋ Florida» ស្របពេលដែលមនុស្សជាច្រើនបានយល់ស្របចំពោះការបញ្ចេញមតិនេះ។

ទោះបីជាយ៉ាងណាក៏ដោយ គេមិនបានដឹងច្បាស់ទេថា តើហេតុការណ៍ខាងលើក៏ដូចជាវីដេអូនោះបានថតនៅពេលណា ប៉ុន្តែកាលពីថ្ងៃទី២៤ ខែមិថុនា កន្លងទៅនេះ គ្រាប់រ៉ុកកែត «Atlas V» ត្រូវបានបាញ់ចេញពីស្ថានីយ «Cape Canaveral Air Force Station» ក្នុងរដ្ឋ Florida សហរដ្ឋអាមេរិក៕