ឡៅ ចន្រ្ទា រំភើបចិត្តជាងមុនៗ ក្រោយផ្តួលជើងខ្លាំងថៃម្សិលមិញ

2016-07-25 17:59:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីផ្ដួលជើងខ្លាំងឆ្លងដែនមកពីថៃ Chaiphum ឲ្យសន្លប់ធ្ងន់នៅទឹក៣ អ្នកលេងគុនខ្មែរវ័យក្មេង ឡៅ ចន្រ្ទា មានអារម្មណ៍រំភើបសប្បាយរីករាយជាងពេលណាៗទាំងអស់ ដោយសារកីឡាករថៃរូបនេះពិតជាខ្លាំង។

ឡៅ ចន្ទ្រា

ក្រោយចប់ការប្រកួត ឡៅ ចន្រ្ទា បាន Sabay ដឹងថា ៖«ខ្ញុំពិតជាសប្បាយចិត្តខ្លាំងណាស់ដោយបានផ្ដួលកីឡាករដែលធ្លាប់វ៉ៃខ្ញុំឲ្យសន្លប់ពីមុន។ ការប្រកួតនេះ ខ្ញុំខំប្រឹងហ្វឹកហាត់ខ្លាំងណាស់គឺចំណាយពេលដល់ទៅ២សប្ដាហ៍ដើម្បីហ្វឹកហាត់ ស្ទើររកពេលសម្រាកគ្មាន ហើយជាលទ្ធផលខ្ញុំទទួលបានសម្រេចហើយ។ បាទបង! សប្បាយចិត្តជាងការប្រកួតឈ្នះកីឡាករបរទេសមុនទៀត»។

កីឡាករថៃ Chaiphum សន្លប់

សម្រាប់ជ័យជម្នះដ៏អស្ចារ្យដែលគួរឲ្យសរសើរនេះ ឡៅ ចន្ទ្រាបានប្រើពេល៣ទឹកទើបអាចផ្តួលឲ្យជើងខ្លាំងថៃ Chaiphum សន្លប់បាន។ នៅទឹកទី១ កីឡាកររូបនេះបានធ្វើឲ្យអ្នកទស្សនាភ័យជំនួស ឡៅ ចន្ទ្រាដោយសារការវាយចេញកណ្តាប់ដៃយ៉ាងរហ័ស ធ្ងន់ៗ និងច្បាស់ ប៉ុន្តែចូលទឹកទី២ អ្នកគុនខ្មែរបានព្យាយាមចូលវាយ និងការពារបានយ៉ាងល្អពីកណ្តាប់ដៃរបស់កីឡាករ។ បន្ទាប់មក ចន្ទ្រាបានចំផ្ទៃមុខដោយកណ្តាប់ដៃយ៉ាងធ្ងន់ធ្វើឲ្យកីឡាករដួល តែក្រោកឡើង ចន្ទ្រាវ៉ៃដួលពីរដង។ ទោះបីជាយ៉ាងណាការរាប់៨របស់អាជ្ញាកណ្តាល និងដល់ទឹកទាន់ពេលវេលា។ ចូលទឹកទីបី ឡៅ ចន្ទ្រាបានប្រើរន្ទះជើង និងវាយកែង៣ទៅ៤កែងចុងក្រោយដើម្បីផ្តួលឲ្យកីឡាកររូបនេះសន្លប់ធំតែម្តង៕