ជៀស ស្រួច ធ្លាក់ខ្លួនឈឺគ្មានលុយ មកភ្នំពេញសង្ឃឹមមានអ្នកជួយរកការងារអាចចិញ្ចឹមក្រពះ
- 2016-07-25 22:01:59
- ចំនួនមតិ 0 | ចំនួនចែករំលែក 0
ជៀស ស្រួច ធ្លាក់ខ្លួនឈឺគ្មានលុយ មកភ្នំពេញសង្ឃឹមមានអ្នកជួយរកការងារអាចចិញ្ចឹមក្រពះ
ចន្លោះមិនឃើញ
“ខ្ញុំគ្រុនចាញ់ ពេលទៅរកស៊ីឈើនៅស្ទឹងត្រែង... ពេលឈឺអត់លុយ មានតែឡើងមកភ្នំពេញ បានអេ ភូថង ជួយ។ អាឡូវបានធូរហើយ ចង់រកការងារធ្វើខ្លះក្រែងបានលុយចាយខ្លួនឯង សង្ឃឹមថាបងប្អូនមានការងារអីដែលអតីតអ្នកប្រដាល់ដូចខ្ញុំធ្វើបាន ជួយប្រាប់ខ្ញុំផង”។ សម្ដីរបស់ ជៀស ស្រួច។
ជៀស ស្រួច រូបថតពេលថតកុនរឿង បេះដូងអ្នកប្រដាល់
បន្ទាប់ពីបាត់មុខពីវិស័យប្រដាល់ដោយសារតែខ្មាសគេរឿងប្រពន្ធ អតីតកីឡាករជើងខ្លាំង ជៀស ស្រួច បានប្រើជីវិតរសាត់អណ្ដែតនៅជាយដែន រុញរទេះ ធ្វើសំណង់ និងធ្លាក់ដល់ទៅរកស៊ីកាប់ឈើនៅតាមដងភ្នំនាខេត្តស្ទឹងត្រែង ដើម្បីតែបានប្រាក់មកចិញ្ចឹមក្រពះ។ ដោយសារតែវ័យកាន់តែចាស់ ចាញ់ទឹកចាញ់ដីផង ជៀស ស្រួច បានធ្លាក់ខ្លួនឈឺ ដោយមានជំងឺគ្រុនចាញ់ ហើយគ្មានប្រាក់មកព្យាបាលគ្រប់គ្រាន់ទេ ទើបសម្រេចមកពឹងមិត្ត អេ ភូថង នៅភ្នំពេញនេះ។
ដោយសារតែជីវិតវេទនាដូចរៀបរាប់ខាងលើនេះហើយ ទើបបច្ចុប្បន្ននេះ រូបលោកស្នាក់នៅផ្ទះជួលរបស់ អេ ភូថង សិន ហើយរំពឹងថានឹងរកបានការងារធ្វើខ្លះ ដែលសមរម្យនិងត្រូវសមត្ថភាពរបស់ខ្លួន។ " មនុស្សដូចពូ មានតែធ្វើអាជ្ញាកណ្ដាលប្រដាល់ គ្រូបង្វឹក និងស្អីៗទាក់ទងនិងវិស័យប្រដាល់និងហើយ ព្រោះយើងមានជំនាញនេះស្រាប់... អរគុណហើយអូន ដែលជួយសួរនាំពូ ហើយក៏អរគុណអ្នកដែលបានជួយពូដែរ”។
អតីតតារាសម្ដែងក្នុងរឿង បេះដូងអ្នកប្រដាល់ខាងលើនេះ បានបញ្ជាក់ថាតាំងពីឡើងមកភ្នំពេញមក មានបងប្អូនជាច្រើនបានទិញរបស់របរផ្សេងៗមកជួយដែរ ហើយខ្លះក៏បានផ្ដល់ជាលុយកាកតិចតួច។ ជាចុងក្រោយ ជៀស ស្រួច មានតែពាក្យមួយមាត់ទេ ដើម្បីផ្ញើជូនបងប្អូនទាំងអស់គឺ បើមានការងារអ្វីអាចឱ្យលោកធ្វើបាន សូមប្រាប់លោកផង៕
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
