ការប្រកួតរូបថតតាម online ដ៏ធំប្រចាំឆ្នាំដើម្បីឈ្នះរង្វាន់យ៉ាងសម្បើម មកដល់ទៀតហើយ
- 2016-07-26 00:46:54
- ចំនួនមតិ 0 | ចំនួនចែករំលែក 0
ការប្រកួតរូបថតតាម online ដ៏ធំប្រចាំឆ្នាំដើម្បីឈ្នះរង្វាន់យ៉ាងសម្បើម មកដល់ទៀតហើយ
ចន្លោះមិនឃើញ
សម្រាប់អ្នកចូលចិត្តថតរូប អ្នកទើបនឹងចាប់ផ្តើមរៀនថតរូប និងអ្នកថតរូបអាជីពត្រៀមបង្ហាញសមត្ថភាពថតរូបរបស់ខ្លួនដើម្បីឈ្នះរង្វាន់យ៉ាងច្រើនពីកម្មវិធីប្រកួតរូបថតតាម online- Big Photography Challenge 2016។
ការប្រកួតចាប់ផ្តើមនៅថ្ងៃទី២៥ ខែកក្កដានេះ កម្មវិធីនេះក៏ជាការត្រៀម និងជ្រើសរើសអ្នកចូលរួមសម្រាប់ព្រឹត្តិការណ៍ Canon PhotoMarathon ឆ្នាំ២០១៦ ដែលនឹងប្រព្រឹត្តទៅនៅថ្ងៃទី៩ ខែតុលាខាងមុននេះដែរ។
Big Photography Challenge 2016 នេះជាការប្រកួតលើកទី២ ដែលរៀបចំដោយ i-Qlick ក្រោមការឧបត្ថម្ភពីក្រុមហ៊ុន qb, Hong Leong Bank និង Sabay ក្នុងគោលបំណងផ្តល់ឱកាសដល់អ្នកស្រលាញ់ការថតរូប ដើម្បីបង្ហាញសម្ថភាពរបស់ខ្លួន និងថែមទាំងឈ្នះរង្វាន់ដ៏សម្បើមជាច្រើនទៀត រួមមាន Canon EOS M3 18-55 mm, កាមេរ៉ា Canon PowerShort N និង ឧបករណ៍សម្រាប់ដាក់សំភារៈថតរូបជាច្រើនឈុតទៀត។
ប្រធានបទប្រកួត៖ ការប្រកួតនេះនឹងផ្តោតសំខាន់លើ៤ប្រធានបទ ដែលក្នុងមួយប្រធានបទមានកម្រិតប្រកួតពីរបន្ថែមទៀត។ អ្នកចូលរួមមានសិទ្ធិជ្រើសរើសប្រធានបទមួយណាក៏បាន ប៉ុន្តែដើម្បីមានភាគរយជាប់ច្រើន អ្នកគួរតែចូលរួមគ្រប់ប្រធានបទ។ ១.«ភាពឆ្ងាញ់» ឬ "Delicious” ២.«ពណ៌ធម្មជាតិ» ឬ "Wild Colour” ៣.«នាំគ្នាធ្វើការ!» ឬ "Let's Work Out!” ៤.«រូបភាពតាមដងផ្លូវ» ឬ "Street” សម្រាប់ប្រធានបទទាំងអស់នេះ(រួមទាំងកម្រិតប្រកួតនីមួយៗផង) នឹងត្រូវពន្យល់តាមរយៈវីដេអូដើម្បីឲ្យអ្នកចូលរួមកាន់តែយល់ច្បាស់។ ពិន្ទុនឹងផ្តល់ឲ្យតាមលំដាប់ចាប់ពីការចូលរួមដំបូង ដំណាក់កាលជ្រើសរើសដោយគណៈវិនិច្ឆ័យ និងចុងក្រោយគឺការបោះឆ្នោតពីមហាជន។
លក្ខខណ្ឌដើម្បីឈ្នះរង្វាន់៖ វិធីទី១៖ ទទួលបានពិន្ទុដោយការចូលរួមឲ្យបានច្រើនប្រកួតនិងកម្រិត។ អ្នកនឹងទទួលបានពិន្ទុកាន់តែច្រើនប្រសិនបើរូបរបស់អ្នកត្រូវបានជ្រើសរើសដោយគណៈវិនិច្ឆ័យ និងដោយការបោះឆ្នោតជាសាធារណៈ។ អ្នកមានឱកាសឈ្នះរង្វាន់ធំមួយនិង រង្វាន់បន្តបន្ទាប់៣ផ្សេងទៀត។
វិធីទី២៖ ពេលដែលរូបភាពអ្នកត្រូវបានជ្រើសរើសដោយគណៈវិនិច្ឆ័យក្នុងប្រធានបទណាមួយ អ្នកអាចបន្តប្រកួតទៅតាមកម្រិតក្នុងប្រធានបទនីមួយៗទៀត។ បើអ្នកឈ្នះកម្រិតណាមួយក្នុងប្រធានបទមួយ អ្នកនឹងទទួលបានរង្វាន់ដល់ទៅ៨ឈុត។
វិធីទី៣៖ រូបទាំង១០ដែលជាប់ជម្រើសក្នុងប្រធានបទនីមួយៗ (ដោយមិនកិតពីកម្រិត) នឹងមានសិទ្ធិដាក់ឲ្យសាធារណៈជនបោះឆ្នោត ចាប់ពីថ្ងៃទី១៦ ដល់ថ្ងៃទី២៣ ខែកញ្ញា។ កុំភ្លេចឲ្យមិត្តភក្តិរួមការងារ ឬសមាជិកគ្រួសារអ្នកជួយបោះឆ្នោតគាំទ្ររូបរបស់អ្នក។ បើអ្នកឈ្នះក្នុងដំណាក់កាលនេះ អ្នកនឹងទទួលរង្វាន់បាន៤ឈុត។
វិធីទី៤៖ ក្នុងដំណាក់កាលនេះ អ្នកនឹងមិនអនុញ្ញាតឲ្យដឹងប្រធានបទមុននោះទេ។ ប្រធានបទអាថ៌កំបាំងពីរនឹងត្រូវប្រកាសក្នុងពេលណាមួយក្នុងអំឡុងពេលប្រកួត។ រង្វាន់២ឈុតនឹងត្រូវផ្តល់ឲ្យអ្នកឈ្នះ។
លក្ខខណ្ឌចូលរួម៖ -មិនអនុញ្ញាតឲ្យថតរូបតាមទូរស័ព្ទ។ -រូបថតដែលចូលរួមត្រូវតែថតក្នុងអំឡុងពេលប្រកួតប៉ុណ្ណោះ។ រូបមិនថតក្នុងអំឡុងពេលប្រកួតមិនអនុញ្ញាតឲ្យចូលរួមទេ។ -ត្រូវតែជារូបដែលអ្នកថតដោយខ្លួនឯង។ សម្រាប់រូបដែលឈ្នះ យើងខ្ញុំមានសិទ្ធិស្នើពិនិត្យ naf, naw, ឬ raw photo fileដើម្បីបញ្ជាក់ពីកម្មសិទ្ធិ។ -អ្នកអាចធ្វើការសម្រួលរូបថតខ្លះតែមិនត្រូវកាត់ត (edit) នោះទេ។ ឧទាហរណ៍ អ្នកអាចសម្រួលពណ៌ក្នុងរូបថត តែអ្នកមិនអាចកាត់តបន្ថែមបន្ថយរូបនោះទេ។ -ប្រធានបទមួយ ដាក់រូបបានតែមួយប៉ុណ្ណោះ។ បើរូបរបស់អ្នកត្រូវបដិសេធ អ្នកអាចផ្ញើរូបមួយផ្សេងទៀតទៅចូលរួមប្រកួតបាន។ តែបើសិនរូបរបស់អ្នកត្រូវបានទទួលយក អ្នកមិនអាចផ្ញើបន្ថែមទៀតទេ។ ត្រូវប្រាកដថារូបដែលត្រូវផ្ញើជាជម្រើសល្អបំផុតរបស់អ្នក។ -រូបដែលមិនត្រូវតាមលក្ខខណ្ឌការប្រកួតនឹងមិនអនុញ្ញាតឲ្យចូលរួមទេ។
ពេលវេលាប្រកួត៖ ប្រកាសប្រធានបទ៖ ថ្ងៃទី២៥ ខែកក្កដា ផុតកំណត់ការផ្ញើរូប៖ ថ្ងៃទី១២ ខែ កញ្ញា ប្រកាសរូបថតទាំង១០ដែលជាប់តាមប្រធានបទនីមួយៗ៖ ថ្ងៃទី១៦ ខែកញ្ញា ចាប់ផ្តើមការបោះឆ្នោតជាសាធារណៈ៖ ថ្ងៃទី១៦ ខែកញ្ញា បញ្ចប់ការបោះឆ្នោតជាសាធារណៈ៖ ថ្ងៃទី២៣ ខែ កញ្ញា ប្រកាសលទ្ធផលសរុប៖ ថ្ងៃទី ២៦ ខែ កញ្ញា
មិត្តយុវវ័យដែលមានចំណាប់អារម្មណ៍ចូលរួមកម្មវិធីប្រកួតដ៏ធំប្រចាំឆ្នាំនេះ ចុចទស្សនាវីដេអូខាងក្រោមដើម្បីបានដឹងកាន់តែច្បាស់ពីប្រធានបទនិងលក្ខខណ្ឌនៃការប្រកួតៈ
ចុចលើតំណភ្ជាប់នេះ ដើម្បីចុះឈ្មោះចូលរួមប្រកួត Big Photography Challenge 2016 ។
ព័ត៌មានបន្ថែមសូមទាក់ទង៖ -Chheav Sovanny, Senior Marketing Executive (Mass Media) Tel: +855 (0) 7858 2700 Email: mktg11@i-qlick.com -Kevin Chua, Regional Marketing Manager Mass Media Tel: +855 (0) 1583 9150 Email: kevin@cemtes.com