សរ រាជសីហ៍ និងពេជ្រ សីហា ដាក់ទិសដៅខ្ពស់ដណ្ដើមខ្សែក្រវាត់ PNN

2016-07-31 16:00:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងប្រដាល់សេរី សរ រាជសីហ៍ និង ពេជ្រ សីហា បានកំណត់គោលដៅរបស់ខ្លួនខ្ពស់ ដើម្បីប្រជែងគ្នាដណ្ដើមខ្សែក្រវាត់ សមរភូមិអ្នកប្រយុទ្ធរបស់សង្វៀន PNN ដែលឧបត្ថម្ភដោយភេសជ្ជៈគោជល់។

ជើងខ្លាំងមិនធ្លាប់ឈ្នះខ្សែក្រវាត់មួយក្នុងដៃសោះ សរ រាជសីហ៍ បានឲ្យដឹងថា ព្រឹត្តិការណ៍ខាងលើសង្ឃឹមខ្ពស់មែនទែន ក្នុងការប្រជែងយកខ្សែក្រវាត់មួយនេះ។ រូបគេរំពឹងដល់ ៨០% ក្នុងការឈ្នះខ្សែក្រវាត់ ដោយសំអាងហេតុផល មើលឃើញសមត្ថភាពកីឡាករថៃនៅក្រោមខ្លួន។

ចំណែកអ្នកប្រដាល់មុខតាន់ ពេជ្រ សីហា វិញរំពឹងរឹតតែខ្ពស់គឺរហូតដល់ ១០០% ក្នុងការឡើងទៅវគ្គផ្ដាច់ព្រ័ត្រ ហើយក៏សង្ឃឹមឈ្នះខ្សែក្រវាត់ផងដែរ។ រូបគេមើលឃើញថា សមត្ថភាពរបស់កីឡាករថៃទាំង ៤នាក់គ្មានអ្វីអស្ចារ្យ។

ពេជ្រ សីហា ទទួលបាន ៦ពិន្ទុពេញក្នុងនោះផ្ដួលដៃគូឲ្យសន្លប់ទឹកទី១ នាការប្រកួតសន្សំពិន្ទុលើកដំបូង និងដៃគូបោះបង់ការប្រកួតនាប្រកួតសន្សំពិន្ទុលើកទី២។ ចំណែក សរ រាជសីហ៍ ទទួលបាន៦ពិន្ទុពេញដូចគ្នា ដោយផ្ដួលដៃគូនាទឹកទី៣ នាប្រកួតសន្សំពិន្ទុលើកទី១ និងទាត់ដៃគូឲ្យក្រោកលែងរួចនាប្រកួតទី២ កាលពីសប្ដាហ៍មុន៕