គូស្នេហ៍១០៣ឆ្នាំ ធ្វើខួបអាពាហ៍ពិពាហ៍ លើកទី៨០ និងថតរូបគ្រងឈុតអាពាហ៍ពិពាហ៍ជាថ្មី
- 2016-07-26 23:31:16
- ចំនួនមតិ 0 | ចំនួនចែករំលែក 0
គូស្នេហ៍១០៣ឆ្នាំ ធ្វើខួបអាពាហ៍ពិពាហ៍ លើកទី៨០ និងថតរូបគ្រងឈុតអាពាហ៍ពិពាហ៍ជាថ្មី
ចន្លោះមិនឃើញ
ស្របពេលដែលគូស្វាមីភរិយាថ្មីថ្មោង តែងតែបង្ហោះ និងបង្អួតរូបថតបង្ហាញពីសេចក្ដីស្រលាញ់របស់ពួកគេ តើចំណងស្នេហាពួកគេនឹងទៅជាយ៉ាងណា ក្នុងរយៈពេល ៨០ឆ្នាំក្រោយ?
ងាកមកជួបជាមួយលោកតា Song Qinglin និងលោកយាយ Song Lishi ដែលជាគូស្វាមីភរិយានឹងគ្នាអស់រយៈពេល ៨០ឆ្នាំមកហើយ។ ពួកគាត់ទាំង២នាក់ មានវ័យ១០៣ឆ្នាំ និងមានកូនចំនួន៤នាក់ រួមទាំងចៅ និងចៅទួតផងដែរ។ ក្រុមគ្រួសារសរុបចំនួន៤ជំនាន់នេះ រស់នៅក្រោមដំបូលតែមួយ នៅក្នុងទីក្រុង Fuyang ខេត្ត Anhui ប្រទេសចិន។
កាលពីពេលថ្មីៗនេះ លោកតា Song Qinglin និងលោកយាយ Song Lishi បានប្រារព្ធខួបអាពាហ៍ពិពាហ៍ លើកទី៨០ របស់ពួកគាត់ ហើយបានថតរូបទុកជាអនុស្សាវរីយ៍ ដោយលោកយាយ Lishi បានគ្រងឈុតកូនក្រមុំសាជាថ្មី។ មូលហេតុដោយសារតែ កាលពីឆ្នាំ១៩៣៦ គូស្វាមីភរិយាមួយគូនេះគ្មានលទ្ធភាពដើម្បីថតរូបទុកជាអនុស្សាវរីយ៍ឡើយ៕
ប្រែសម្រួល ៖ សេង ឡុង ប្រភព ៖ shanghaiist