អ្នកវិទ្យាសាស្ត្របង្កើតម៉ាស៊ីន បម្លែងទឹកនោមទៅជាទឹកផឹកបាន
- 2016-07-27 21:30:45
- ចំនួនមតិ 0 | ចំនួនចែករំលែក 0
អ្នកវិទ្យាសាស្ត្របង្កើតម៉ាស៊ីន បម្លែងទឹកនោមទៅជាទឹកផឹកបាន
ចន្លោះមិនឃើញ
ក្រុមអ្នកវិទ្យាសាស្ត្រមកពីសាកលវិទ្យាល័យ Ghent University ប្រទេសបែលហ្សិក បានបង្កើតម៉ាស៊ីនមួយដំណើរការដោយថាមពលព្រះអាទិត្យ អាចបម្លែងទឹកនោម ទៅជាទឹកដែលអាចផឹកបាន។
ក្រុមអ្នកវិទ្យាសាស្ត្របានដំឡើងម៉ាស៊ីនរបស់ខ្លួនក្នុងកម្មវិធីតន្ត្រីមួយដែលមានរយៈពេល ១០ ថ្ងៃ ប្រព្រឹត្តទៅក្នុងទីក្រុង Ghent ប្រទេសបែលហ្សិក ដើម្បីពិសោធន៍ម៉ាស៊ីននោះ។ លទ្ធផលនៃការពិសោធន៍គឺបានជោគជ័យ ដោយអ្នកវិទ្យាសាស្ត្រអាចបម្លែងទឹកបាន ១ ០០០ លីត្រ ពីទឹកនោមរបស់អ្នកចូលរួមក្នុងកម្មវិធី ហើយទឹកដែលបម្លែងបាននេះអាចប្រើសម្រាប់ផលិតជាស្រាបៀបាន។
ការបម្លែងនៃម៉ាស៊ីនប្រព្រឹត្តទៅ ដោយដំបូងប្រព័ន្ធម៉ាស៊ីនប្រមូលយកទឹកនោមដែលស្តុកទុកក្នុងធុងទឹកដ៏ធំមួយ បន្ទាប់មកក៏ចាប់ផ្ដើមកម្ដៅទឹកនោមដោយប្រើឆ្នាំងចំហុយដែលដើរដោយថាមពលព្រះអាទិត្យ។ ក្រោយមកទឹកនោមដែលកម្ដៅរួចត្រូវឆ្លងកាត់ភ្នាសមួយមាននាទីបំបែកទឹក រួមទាំងជីវជាតិទ្រទ្រង់ក្នុងទឹកនោមចេញពីគ្នា ហើយភ្នាសនេះថែមទាំងអាចជម្រុះចេញនូវសារធាតុអាម៉ូញ៉ាក់បាន ៩៥% ដែលមានក្នុងទឹកនោម។
គោលដៅសព្វថ្ងៃរបស់ក្រុមអ្នកវិទ្យាសាស្ត្រខាងលើគឺមានបំណងដំឡើងម៉ាស៊ីននេះនៅតាមព្រលានយន្តហោះ និង នៅទីលានប្រកួតកីឡា ហើយពួកគេក៏មានបំណងចង់ជួយដល់ប្រជាជនក្នុងសហគមន៍ក្រីក្រជុំវិញពិភពលោក ដែលកង្វះទឹកផឹកជាបញ្ហាដ៏ធំមួយរបស់ប្រជាជនទាំងនោះ៕
ចុចអាន៖ បច្ចេកវិទ្យាថ្មីមើលរឿង 3D មិនបាច់ប្រើវ៉ែនតា
ប្រែសម្រួល៖ ហៃ សុខហេង ប្រភព៖ Engadget
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
