រាជវាំងចិន ប្រើប្រព័ន្ធការពារទឹកជំនន់ ដែលគ្រប់គ្នានឹកស្មានមិនដល់

2016-07-28 16:33:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលដែលទីក្រុងជាច្រើននៅទូទាំងប្រទេសចិន ប្រឈមនឹងគ្រោះទឹកជំនន់ធ្ងន់ធ្ងរ ក្នុងអំឡុងពេលប៉ុន្មានខែចុងក្រោយនេះ យ៉ាងហោចណាស់មានកន្លែងមួយ ដែលប្រជាជនអាចទៅ ដើម្បីសុវត្ថិភាពផ្ទាល់ខ្លួន និងគេចផុតពីទឹកជំនន់បាន គឺ រាជវាំងចិន។

រាជវាំងចិន បានប្រើប្រាស់ប្រព័ន្ធបង្ហូរទឹកដ៏ល្អឥតខ្ជោះ ដែលមានអាយុកាល ៦០០ឆ្នាំមកហើយ ដោយបានសាងសង់ឡើងក្នុងរាជវង្សមីង ហើយវាក៏ជាគំរូស្ថាបត្យកម្មបែបប្រពៃណីចិន សាងសង់តាមក្បួន «ខាងជើងខ្ពស់ ខាងត្បូងទាប» ដើម្បីការពារទឹកជំនន់ផងដែរ។

នៅក្នុងបរិវេណនៃរាជវាំងខាងលើ យើងអាចមើលឃើញប្រព័ន្ធបង្ហូរទឹក ដែលមានរូបរាងដូចក្បាលនាគជាច្រើន។ នៅពេលដែលមានព្យុះភ្លៀង ទឹកអាចហូរចេញតាមក្បាលនាគ បង្កើតបានជាផ្ទាំងទស្សនីយភាពដ៏អស្ចារ្យ ហាក់បីដូចជាសត្វនាគរាប់ពាន់ក្បាលព្រួសទឹកអីចឹង។ ជាងនេះទៅទៀត រាជវាំងចិនមានប្រព័ន្ធលូស្មុគស្មាញខ្លាំង ដែលអាចឲ្យទឹកហូរបែកគ្នា ការពារពីការហូរលើសចំណុះទៀតផង៕