Klopp បាញ់ Man Utd រឿងទិញ Pogba តម្លៃ១០០លានផោន
- 2016-07-29 21:14:27
- ចំនួនមតិ 0 | ចំនួនចែករំលែក 0
Klopp បាញ់ Man Utd រឿងទិញ Pogba តម្លៃ១០០លានផោន
ចន្លោះមិនឃើញ
Jurgen Klopp អ្នកចាត់ការក្រុម Liverpool បានបង្ហាញពីទស្សនៈរបស់លោក ចំពោះក្រុមគូប្រជែង Manchester United ដែលនឹងទិញខ្សែបម្រើ Paul Pogba តម្លៃបំបែកកំណត់ត្រាថ្លៃបំផុតលើពិភពលោកប្រហែល១០០លានផោនជាផ្លូវការនៅចុងសប្ដាហ៍នេះ។
Jurgen Klopp អ្នកចាត់ការក្រុម Liverpool
អតីតអ្នកចាត់ការក្រុម Borussia Dortmund រូបនេះ លើកឡើងថា លុយ១០០លានផោន ពិតជាច្រើនណាស់សម្រាប់ទិញកីឡាករម្នាក់ ហើយបើក្រុមដែលចំណាយលុយធំ ទិញតារាល្បីៗទាំងអស់ សុទ្ធតែទទួលបានជោគជ័យអាចឈ្នះពាន លោកសុខចិត្តដើរចេញពីវិស័យបាល់ទាត់ចូលនិវត្តន៍តែម្ដង។
Paul Pogba តម្លៃ១០០លានផោន ដែល Man Utd ទិញ
Klopp បាននិយាយថា៖ "បើអ្នកទិញកីឡាករមកម្នាក់ តម្លៃ១០០លានផោន ហើយគាត់របួស តែអ្វីគ្រប់យ៉ាងនៅដំណើរការល្អនោះ...ថ្ងៃនោះប្រហែលជាខ្ញុំមិននៅធ្វើការដូចនេះទៀតទេ។ ក្លឹបជាច្រើន ចំណាយលុយច្រើន ទិញចូលតារាល្បីៗ។ ប៉ុន្តែខ្ញុំចង់ធ្វើខុសពីនោះ...បើខ្ញុំចំណាយលុយ គឺព្រោះតែខ្ញុំចង់ស្ថាបនាក្រុម ហើយជាក្រុមដែលមានកម្លាំងចិត្ត ឆន្ទៈពិតប្រាកដ។ ខ្ញុំមិនចាប់អារម្មណ៍លើក្លឹបដទៃទេ ពួកគេចង់ធ្វើអ្វី និងចង់ចំណាយធំប៉ុនណាស្រេចលើពួកគេ”។
រដូវកាលនេះ Liverpool របស់ Klopp បានចុះកុងត្រានាំយកកីឡាករថ្មីចំនួន៧នាក់មកហើយ ប៉ុន្តែចំណាយសរុបអស់ត្រឹមតែ ៧០លានផោនប៉ុណ្ណោះ៕
ប្រែសម្រួល៖ វិន ជីវ័ន្ត ប្រភព៖ Express | Mirror