Peap Tarr , Lisa Mam និងឡូរ៉ាម៉ម មានវត្តមានក្នុងរាត្រីសប្បុរសធម៌ Mission Mouy Roy

2016-07-30 01:05:40
ចំនួនមតិ 0 | ចំនួនចែករំលែក 0

ចន្លោះមិនឃើញ

រាត្រីសប្បុរសធម៌របស់យុទ្ធនាការ Mission Mouy Roy កាលពីយប់មិញមានការចូលរួមគាំទ្រពីភ្ញៀវជាតិ និងអន្តរជាតិជាច្រើន ពិសេសគឺវត្តមានរបស់តារាចម្រៀងល្បីឈ្មោះ ឡូរ៉ាម៉ម និង វិចិត្រករ Peap Tarr និង Lisa Mam បើទោះបីជាមានភ្លៀងមួយមេធំក៏ដោយ។

អ្វីដែលកាន់តែពិសេសនោះក្នុងពិធីនេះក៏មានដាក់រូបបោះពុម្ពមានកំណត់របស់វិចិត្រករ Peap Tarr និង Lisa Mam លក់ផ្តាច់មុខដើម្បីរៃអង្គាសប្រាក់ជូនមូលនិធិ Mission Mouy Roy ។ រូបគំនូរទាំងអស់មានចំនួន១១ផ្ទាំង បង្កើតជាពិសេសសម្រាប់ Mission Mouy Roy ដែលមានតម្លៃចាប់ពី ១១០ដុល្លាឡើងទៅ ហើយនឹងមានការហត្ថលេខារបស់វិចិត្រករទាំងពីរនេះដោយផ្ទាល់ នេះបើតាមការឲ្យដឹងរបស់ វិចិត្រករ Peap Tarr និង Lisa Mam។

ថ្លែងក្នុងឱកាសបើកកម្មវិធី ឡូរ៉ាម៉ម បានបង្ហាញក្តីសប្បាយរីករាយ ដែលបានចូលរួមគាំទ្រយុទ្ធនាការ Mission Mouy Roy ជួយដល់កុមារក្រីក្រនៅអង្គការដើម្បីភាពញញឹមនៃកុមារ PSE ដើម្បីបន្តការសិក្សារបស់ពួកគេ។ «នេះជាកិត្តិយសមួយសម្រាប់ខ្ញុំ ដែលត្រូវបានផ្តល់ឱកាសឲ្យចូលរួមរៃអង្គាសមូលនិធិទ្រទ្រង់ការសិក្សាកុមារ PSE កន្លងមកខ្ញុំក៏ធ្លាប់បានថត MV មួយចំនួន ជាមួយកុមារនៅ PSE ដែរ ខ្ញុំស្គាល់ពួកគេច្បាស់ ហើយខ្ញុំជឿជាក់ថា យុទ្ធនាការនេះនឹងកែប្រែជីវិតពួកគេកាន់តែប្រសើរ»។

ភ្ញៀវទេសចរជនជាតិបារាំង២រូប ចូលកម្សាន្តក្នុងហាងស្រា Samai ដោយចៃដន្យថ្ងៃនោះ Marion និងមិត្តស្រី ឈ្មោះ Quentin បានសម្តែងអារម្មណ៍រំភើបរីករាយ នឹងចង់ចូលរួមជួយដល់កុមារក្រីកកម្ពុជាឲ្យទទួលបានឱកាសត្រលប់ចូលរៀនវិញ។ អ្នកទាំងពីរគ្រោងនឹងបរិច្ចាគលុយខ្លះ ហើយកំពុងពិចារណាថាគួរទិញរូបបោះពុម្ពមួយណា ព្រោះរូបទាំងនេះសុទ្ធស្អាតៗ និងគួរឲ្យចាប់អារម្មណ៍» ។

ទស្សនារាត្រីសប្បុរសធម៌របស់យុទ្ធនាការ Mission Mouy Roy ចុចវីដេអូខាងក្រោមនេះ៖