បច្ចេកវិទ្យា Bosch ជួយការពារជីវិតមនុស្សយ៉ាងច្រើន តែអ្នកប្រើមិនទាន់ដឹងច្បាស់
- 2016-07-29 21:32:46
- ចំនួនមតិ 0 | ចំនួនចែករំលែក 0
បច្ចេកវិទ្យា Bosch ជួយការពារជីវិតមនុស្សយ៉ាងច្រើន តែអ្នកប្រើមិនទាន់ដឹងច្បាស់
ចន្លោះមិនឃើញ
ស្ទើរគ្រប់គ្រឿងអេឡិចត្រូនិក និងយានយន្តនៅជុំវិញ បានបំពាក់បច្ចេកវិទ្យារបស់ក្រុមហ៊ុន Bosch គ្រាន់តែអ្នកប្រើមិនសូវចាប់អារម្មណ៍។ បច្ចេកវិទ្យា Bosch ដែលបានបំពាក់លើឧបករណ៍និងគ្រឿងយន្តទាំងអស់ បានរួមចំណែក ជួយការពារជីវិតមនុស្សយ៉ាងច្រើន។ នេះបើតាមលោក Andre De Jong អគ្គនាយកក្រុមហ៊ុន Bosch ប្រចាំកម្ពុជា។
ឧទាហរណ៍ជាក់ស្ដែង លោក De Jong ថា រថយន្តទំនើបជាច្រើន បំពាក់សិនស័រសុវត្ថិភាពរបស់ Bosch ដើម្បីបញ្ចៀសគ្រោះថ្នាក់ទាំងអ្នកបើកបរនិងអ្នកដំណើរ។
ខួរក្បាលរបស់សិនស័រផលិតសម្រាប់រថយន្តនោះលឿនជាងខួរក្បាលមនុស្សពីរដង ដែលអាចបញ្ជាឲ្យរថយន្តឈប់ ឬបើកជៀសឧបសគ្គបានយ៉ាងលឿន ដោយស្វ័យប្រវត្តិ។
សិនស័រ Bosch លើរថយន្តអាចចាប់យកនិងវិភាគឧបសគ្គនៅខាងមុខឬជុំវិញយ៉ាងលឿន ដើម្បីអាចបញ្ចៀសការប៉ះទង្គិចនាំគ្រោះថ្នាក់ទាន់ពេលវេលា។ បច្ចេកវិទ្យា Bosch ធ្លាប់បង្កើតមាន ប្រព័ន្ធហ្វ្រាំង ABS និងប្រព័ន្ធគ្រប់គ្រងលំនឹង (TCS ឬ ESP) ជាដើម។
ចំពោះឧបករណ៍ស្វានប្រើបច្ចេកវិទ្យា Bosch លោកថា ផលិតដោយដោយប្រើបច្ចេកវិទ្យាគ្រប់គ្រងលំញ័រជួយការពារការប៉ះទង្គិចលើរាងកាយនិងប្រព័ន្ធប្រសាទរបស់អ្នកប្រើប្រាស់។
អគ្គនាយករូបនេះឲ្យដឹងថា បច្ចេកវិទ្យា Bosch បំពាក់ស្ទើរគ្រប់យានយន្តនិងឧបករណ៍ទំនើបជាច្រើន គ្រាន់តែអ្នកប្រើប្រាស់ផ្ទាល់ពុំបានដឹងស៊ីជម្រៅ។ បច្ចុប្បន្នក្រុមស្រាវជ្រាវ Bosch នៅអាល្លឺម៉ង់កំពុងសិក្សាពីបច្ចេកវិទ្យាតភ្ជាប់ (Connected Technology) និងសិនស័រសុវត្ថិភាពវ័យឆ្លាតបំពាក់លើរថយន្តសម្រាប់ពេលអនាគត៕
អាន៖ iPhone និងគ្រឿងអេឡិចត្រូនិកភាគច្រើន បំពាក់បច្ចេកវិទ្យាសិនស័រ Bosch
អត្ថបទ៖ ប៉ែត ផាន់និត