អបអរសាទរជាមួយ CLEAR ដែលបានគាំទ្រកម្ពុជាបង្កើតកំណត់ត្រាឈ្នះសិង្ហបុរី

2016-07-29 22:49:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់មិត្តភាពអន្តរជាតិ CLEAR

ជ័យជម្នះ ២-១ របស់ក្រុមបាល់ទាត់ជម្រើសជាតិកម្ពុជាលើក្រុមបាល់ទាត់ជម្រើសជាតិ សិង្ហបុរីកាលពីថ្ងៃព្រហស្បតិ៍ ទី២៨ កក្កដា ២០១៦ សម្រាប់ការប្រកួតមិត្តភាពអន្តរជាតិដែលនាំមកជូនដោយ CLEAR បានបង្កើតកំណត់ត្រាលើកដំបូងសម្រាប់វិស័យបាល់ទាត់កម្ពុជា។

គិតចាប់តាំងពីឆ្នាំ២០០៥មក ពោលគឺរយៈពេល១១ឆ្នាំហើយដែលក្រុម បាល់ទាត់កម្ពុជាមិនធ្លាប់ស្គាល់ជ័យជម្នះលើក្រុមសិង្ហបុរីឡើយ សម្រាប់ការប្រកួតផ្លូវការ។ បរិវេណពហុកីឡដ្ឋានជាតិនាល្ងាច និងយប់ថ្ងៃទី២៨ កក្កដា ពោរពេញដោយភាពអ៊ូអរ និងរំភើបសប្បាយរីករាយយ៉ាងខ្លាំងដែលមានអ្នកគាំទ្ររាប់ម៉ឺននាក់ ស្រែកហ៊ោកងរំពង និងរំលេចដោយសកម្មភាពនានា។

សម្រាប់ការប្រកួតកាលពីយប់មិញកីឡាករជម្រើសជាតិកម្ពុជាលេងប្រកបដោយឆន្ទៈ មុះមុតបំផុត។ ការប្រកួតនៅតង់ទី១ កម្ពុជាបានបំប៉ោងសំណាញ់ទីរបស់សិង្ហបុរី២គ្រាប់ដោយតារាឆ្នើម ចាន់ វឌ្ឍនាកា និងទិត្យ ឌីណា ខណៈសិង្ហបុរីស៊ុតបាន១គ្រាប់ដោយប្រធានក្រុម Kharirul Amri ។ ចំពោះការប្រកួតតង់ទី២ ក្រុមទាំងពីរមិនអាចរកគ្រាប់បាល់បន្ថែមទៀតឡើយ។