សុះ ម៉ាច៖ លោកតាប្រាជ្ញ ឈួន មិនទាន់ស្លាប់ទេ
- 2014-10-31 18:01:54
- ចំនួនមតិ 0 | ចំនួនចែករំលែក 0
សុះ ម៉ាច៖ លោកតាប្រាជ្ញ ឈួន មិនទាន់ស្លាប់ទេ
ចន្លោះមិនឃើញ
លោក សុះ ម៉ាច បដិសេធន៍ថា លោកតាប្រាជ្ញ ឈួន នៅរស់នៅឡើយ មិនទាន់ស្លាប់ទេ។ ការបដិសេធន៍នេះ តបទៅនឹងដំណឹងព័ត៌មានក្នុងស្រុកមួយបានចុះផ្សាយថាអ្នកចាប៉ីដងវែងរូបនេះបានចែកឋានទៅហើយ។
ប្រធានសមាគមសិល្បករខ្មែរលោក សុះ ម៉ាច និយាយថា៖ "បងទើប call ទៅគាត់អម្បាញ់មិញគាត់មិនទាន់ស្លាប់ទេ។ គាត់ថា គាត់នៅធម្មតាអត់មានបញ្ហាអ្វីទេ"។
លោក សុះ ម៉ាច បន្តថា ការចុះព័ត៌មានថា លោកតា ប្រាជ្ញ ឈួន ស្លាប់ គឺប្រមាថអាយុជីវិតអ្នកចាប៉ីដងវែងល្បីឈ្មោះខាងលើ ហើយអាចមានជនមួយក្ដាប់តូចយកព័ត៌មានដើម្បីបោកប្រាស់យកប្រាក់ពីអ្នករស់នៅបរទេស។
លោកតា ប្រាជ្ញ ឈួន ជាអ្នកចាប៉ីដងវែងល្បីឈ្មោះក្នុងប្រទេស កម្ពុជា។ លោកតាចាប់កំណើតនៅខែតុលាឆ្នាំ១៩៣៦ ជាកូនពៅក្នុងគ្រួសារកសិករ ដែលមានកូនប្រាំមួយនាក់នៅភូមិត្រពាំងកក់ ឃុំខ្វាវ ស្រុកទ្រាំង ខេត្តតាកែវ។ អ្នកចម្រៀងចាប៉ីវ័យជរានេះពិការភ្នែកទាំងសងខាងតាំងពីអាយុ ៥ ឆ្នាំ ដោយសាររោគកញ្ជ្រិល៕
អានអត្ថបទបន្ត៖ទើបតែភ្លៀង នាងៗមករាំស្លៀកសិចស៊ីបែបនេះ អ្នកណាមិនផ្អើលមើល?
អត្ថបទ៖ អ៊ីង សុឡា