ធ្លាក់ឆេះបាឡុងដ៏កម្រកើតមានសម្លាប់១៦នាក់ នៅរដ្ឋតិចសាស់
- 2016-07-31 16:04:18
- ចំនួនមតិ 0 | ចំនួនចែករំលែក 0
ធ្លាក់ឆេះបាឡុងដ៏កម្រកើតមានសម្លាប់១៦នាក់ នៅរដ្ឋតិចសាស់
ចន្លោះមិនឃើញ
បាឡុងខ្យល់មួយបានផ្ទុះឆេះជាអណ្ដាតភ្លើងនៅភាគកណ្ដាលរដ្ឋតិចសាស់នាប៉ុន្មានម៉ោងមុននេះត្រូវនឹងថ្ងៃសៅរ៍នៅសហរដ្ឋអាមេរិក ដែលទំនងជាបាឡុងអស់ថាមពលរួចដាំក្បាលចុះធ្លាក់លើទីវាលមួយកន្លែង។
ហេតុការណ៍នេះបានសម្លាប់អ្នកដំណើរ និងក្រុមការងារលើបាឡុងទាំងអស់ចំនួន ១៦នាក់ និងត្រូវគេចាត់ទុកថាជាសោកនាដកម្មអាក្រក់ជាងគេបំផុតមួយក្នុងប្រវត្តិសាស្ត្រ។
ឧបទ្ទវហេតុបានកើតឡើងនាវេលាម៉ោង៧:៤០នាទីព្រឹកថ្ងៃសៅរ៍ ទី៣០កក្កដា ដោយបាឡុងធ្លាក់នៅខាងក្រៅទីក្រុង Lockhart។ បើតាមប្រភព ភ្លើងចាប់ផ្ដើមឆេះចេញពីកន្លែងកន្ត្រកមនុស្សជិះ។ ពេលនេះប៉ូលិសកំពុងបើកការស៊ើបអង្កេតរកមូលហេតុពិតប្រាកដហើយ៕
ប្រែសម្រួល៖ ឡេង ភារុណ ប្រភព៖ Channelnewsasia