អាវភ្នំពេញក្រោន១លក់ដេញថ្លៃបានជាង៧ពាន់ដុល្លារ
- 2016-07-31 16:58:16
- ចំនួនមតិ 0 | ចំនួនចែករំលែក 0
អាវភ្នំពេញក្រោន១លក់ដេញថ្លៃបានជាង៧ពាន់ដុល្លារ
ចន្លោះមិនឃើញ
អាវយឺតរបស់ក្លឹបភ្នំពេញក្រោនមួយដែលត្រូវបានចុះហត្ថលេខាដោយសមាជិកក្រុមធំភ្នំពេញក្រោនត្រូវបានដេញថ្លៃដោយទទួលបានតម្លៃរហូតដល់៧២០០ដុល្លារអាមេរិកដែលថវិកានេះនឹងយកទៅជូនមន្ទីរពេទ្យកុមារគន្ធបុប្ផា។
តាមការឲ្យដឹងពី Page របស់ភ្នំពេញក្រោនថា ក្នុងពិធីបិទនៃការប្រកួតបាល់ទាត់វ័យចាស់អាយុ៤០ឆ្នាំដែលមាន១៨ក្រុមមកពី៧ប្រទេសចូលរួមប្រកួតដើម្បីប្រមូលថវិកាជូនមន្ទីរពេទ្យគន្ធបុប្ផា ក៏មានការដេញថ្លៃអាវយឺតមួយដែលត្រូវបានចុះហត្ថលេខាដោយកីឡាករក្រុមធំភ្នំពេញក្រោនទាំងអស់។
ក្នុងពិធីដេញថ្លៃនោះ បុរសបរទេសម្នាក់ជាអ្នកឈ្នះដេញថ្លៃដោយមានតម្លៃដល់ទៅ៧២០០ដុល្លារអាមេរិក។ ជាមួយគ្នានេះពិធីប្រកួតបាល់ទាត់វ័យចាស់សប្បុរសធម៌ក៏ប្រមូលថវិកាសរុបបានជាង៧ម៉ឺនដុល្លារអាមេរិកដើម្បីយកទៅជួយមន្ទីរពេទ្យកុមារគន្ធបុប្ផា។
ការប្រកួតពានរង្វាន់សប្បុរសធម៌វ័យចាស់នេះក្រុម Century Lucky Star មកពីប្រទេសចិនទទួលបានចំណាត់ថ្នាក់លេខ១ ខណៈក្រុម International Football Club មកពីប្រទេសម៉ាឡេស៊ីបានក្លាយជាក្រុមរកថវិកាបានច្រើនជាងគេ៕
អត្ថបទ៖ ជាន ចាន់រ៉ា