ព្រឹកមិញនេះ កូរ៉េខាងជើងបាញ់សាកល្បង គ្រាប់មីស៊ីលឆ្លងទ្វីបមួយគ្រាប់
- 2016-08-03 15:53:05
- ចំនួនមតិ 0 | ចំនួនចែករំលែក 0
ព្រឹកមិញនេះ កូរ៉េខាងជើងបាញ់សាកល្បង គ្រាប់មីស៊ីលឆ្លងទ្វីបមួយគ្រាប់
ចន្លោះមិនឃើញ
នៅព្រឹកថ្ងៃពុធនេះ ប្រទេសកូរ៉េខាងជើងបានបាញ់សាកល្បងគ្រាប់មីស៊ីលឆ្លងទ្វីបមួយគ្រាប់ ឆ្ពោះទៅកាន់សមុទ្រជប៉ុន ដែលបង្ហាញយ៉ាងជាក់ស្តែងពីប្រតិកម្ម ទៅនឹងគម្រោងដាក់ពង្រាយប្រព័ន្ធការពារមីស៊ីលរបស់អាមេរិក។ នេះបើតាមការឲ្យដឹងពីក្រសួងការពារជាតិកូរ៉េខាងត្បូង។
គ្រាប់មីស៊ីលឆ្លងទ្វីបមួយគ្រាប់នោះ បានបាញ់ចេញពីក្បែរភាគខាងលិច នៃទីក្រុង Unyul នៅអំឡុងម៉ោង ៥ និង ៥០នាទីព្រឹក (ម៉ោងក្នុងប្រទេសកម្ពុជា) ថ្ងៃពុធ ទី០៣ ខែសីហា ឆ្នាំ២០១៦ នេះ។ ការសាកល្បងនេះបានធ្វើឡើង បន្ទាប់ពីមានការបាញ់គ្រាប់មីស៊ីលឆ្លងទ្វីបចំនួន ៣គ្រាប់ កាលពីថ្ងៃអង្គារ ទី១៩ ខែកក្កដា ឆ្នាំ២០១៦ កន្លងទៅនេះ។
គួរបញ្ជាក់ថា នៅក្នុងឆ្នាំ២០១៦នេះ ប្រទេសកូរ៉េខាងជើងបានបាញ់គ្រាប់មីស៊ីលជាច្រើនគ្រាប់ បើទោះជាមានការដាក់ទណ្ឌកម្មពី អង្គការសហប្រជាជាតិ និងបានសន្យាថានឹង «ធ្វើសកម្មភាព» ប្រឆាំងនឹងគម្រោងដាក់ពង្រាយប្រព័ន្ធការពារគ្រាប់មីស៊ីលរបស់អាមេរិក នៅក្នុងប្រទេសកូរ៉េខាងត្បូង ដែលបានប្រកាសកាលពីខែកក្កដា កន្លងទៅនេះ។ អង្គការសហប្រជាជាតិ ធ្លាប់បានសម្រេចហាមឃាត់ ប្រទេសកូរ៉េខាងជើង ពីការអភិវឌ្ឍបច្ចេកវិទ្យាគ្រាប់មីស៊ីលឆ្លងទ្វីប៕
ប្រែសម្រួល ៖ សេង ឡុង ប្រភព ៖ channelnewsasia
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
