កូនស្រីកាត់ខ្មែរ-បារាំងរបស់ ចាន់ រតនា ខ្លាចឪពុកប្រកួតចាញ់នៅម៉ាកាវ

2016-08-04 17:08:25
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនស្រីកាត់ខ្មែរ-បារាំងរបស់អ្នកប្រដាល់ ចាន់ រតនាបារម្ភខ្លាចឪពុករបស់ខ្លួនចាញ់ក្នុងការប្រកួតនៅពេលដែលអ្នកលេងគុនខ្មែរម្នាក់នេះត្រូវឡើងយន្តហោះទៅវ៉ៃក្នុងទ្រុង One Championship នៅទីក្រុងម៉ាកាវ ប្រទេសចិននាពេលខាងមុខ។

ក្មេងស្រីកាត់ខ្មែរ-បារាំងអាយុ៨ឆ្នាំរបស់ រតនាឈ្មោះ Lycia បាននិយាយថា ប្អូនស្រីអត់ខ្លាចជួបគ្រោះថ្នាក់អ្វីឡើយ ប៉ុន្តែខ្លាចឪពុកប្រកួតចាញ់ និងវ៉ៃខុសបច្ចេកទេសដូចលើកមុន។ ដើម្បីលើកទឹកចិត្តដល់ឪពុកយុវតីនេះបាននិយាយថា ៖«មិនបាច់ខ្លាចទេ ឲ្យប៉ាវ៉ៃឈ្នះ»។

បច្ចុប្បន្ន Lycia កំពុងរៀនភាសាខ្មែរ បារាំង និងអង់គ្លេសនៅសាលាឯកជនដែលរហូតដល់ពេលនេះនាងអាចនិយាយបានទាំង៣ភាសា។ ក្រៅពីការសិក្សា កូនស្រីដែលមានម្តាយជាជនបារាំង និងឪពុកខ្មែរជួយមើលក្លឹប Selabak ដែលឪពុកបើកបង្ហាត់បង្រៀនក្បាច់គុនបុរាណខ្មែរ។ ចាន់ រតននឹងប៉ះកីឡាករម្ចាស់ផ្ទះចិនក្នុងព្រឹត្តិការណ៍ One Championship: Heroes of the World នាថ្ងៃសៅរ៍ទី១៣ ខែសីហា ឆ្នាំ២០១៦ខាងមុខនេះនៅទីក្រុងម៉ាកាវ ប្រទេសចិន៕

សូមទស្សនាវីដេអូបទសម្ភាសន៍