Asus Zenbook 3 អេក្រង់ Retina គូប្រជែងថ្មី MacBook Air
- 2016-08-05 16:30:10
- ចំនួនមតិ 0 | ចំនួនចែករំលែក 0
Asus Zenbook 3 អេក្រង់ Retina គូប្រជែងថ្មី MacBook Air
ចន្លោះមិនឃើញ
Zenbook 3 ជាកុំព្យូទ័រយួរដៃជំនាន់ចុងក្រោយរបស់ក្រុមហ៊ុន ASUS ដែលមានបំពាក់មកជាមួយអេក្រង់ Retina ទំហំ 12.5 អ៊ីញ ស្ដើង ស្រាល ដែលជាគូប្រជែងថ្មីរបស់ MacBook Air។
កុំព្យូទ័រដ៏ស្ដើងនេះមានថាមពលថ្មដែលអាចប្រើប្រាស់បានដល់រយៈ ពេល ៩ ម៉ោង ហើយថែមទាំងមានបច្ចេកវិទ្យាបញ្ចូលថ្មបានលឿន អាចសាកថាមពលបាន ៦០% ដោយប្រើពេលតែ ៤៩ នាទី។ ចំណុចពិសេសរបស់ ZenBook 3 នេះ គឺមានបំពាក់មុខងារស្កេនក្រយៅដៃ សម្រាប់ប្រើជាមួយ Windows Hello ដែលអាចឲ្យអ្នកប្រើប្រាស់ Sign In និងដោះសោកុំព្យូទ័រ ដោយប្រើតែម្រាមដៃបាន។
ZenBook 3 មានអេក្រង់ទំហំ ១២,៥ អ៊ីញ អាចបង្ហាញរូបភាពច្បាស់ល្អក្នុងកម្រិត ១៩២០ x ១០៨០ភិចសែល មានកម្រាស់ស្ដើងត្រឹមតែ ១១,៩ ម.ម និងមានទម្ងន់ត្រឹម ០,៩ គីឡូក្រាម ស្ដើងជាងនិងស្រាលជាង MacBook ដែលមានទម្ងន់ ០,៩២ គីឡូក្រាម និងកម្រាស់ ១៣,១ ម.ម។
កុំព្យូទ័រដើរដោយប្រព័ន្ធប្រតិបត្តិការ Windows នេះមានបំពាក់ CPU Intel Core i7 មាន RAM ទំហំ ១៦GB, អង្គផ្ទុកទិន្នន័យប្រភេទ SSD ទំហំ ១TB និងមានរន្ធបំពងសំឡេងចំនួនបួន។ ZenBook 3 នេះប្រើប្រាស់រន្ធ USB តភ្ជាប់ប្រភេទ C សម្រាប់ការសាកថ្ម និង ការតភ្ជាប់នានា ដូចនឹង MacBook ដែរ។
ចំពោះ Intel Core i7 , RAM 16GB និងអង្គផ្ទុកទិន្នន័យប្រភេទ SSD ទំហំ ១TB កុំព្យូទ័រ ZenBook 3 មានតម្លៃប្រហែល ២០០៦ ដុល្លារ៕
ចុចអាន៖ មើលការបង្ហាញគំរូដើម iPhone 7 Plus ពណ៌ខៀវស្អាតទាក់ភ្នែក
អត្ថបទ៖ រក្សា