Gerrard នឹងទៅក្លិបផ្សេងបើ Liverpool មិនបន្តកុងត្រាឱ្យ

2014-10-31 23:11:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Steven Gerrard អាចនឹងទៅលេងនៅក្លិបផ្សេងទៀតប្រសិនបើខាងក្លិប Liverpool មិនបន្ដកុងត្រាថ្មីឱ្យគេ ហើយបុរសវ័យ៣៤ឆ្នាំនេះអះអាងថែមទៀតថារូបគេមិនទាន់ចូលនិវត្តន៍នោះឡើយ។

ក្នុងកិច្ចសម្ភាសន៍មួយជាមួយ Daily Mail កីឡាករ Gerrard បាននិយាយថា៖ “ខ្ញុំមិនចូលនិវត្តន៍ទេរដូវក្ដៅនេះ ទោះ Liverpool មិនបន្ដកុងត្រាថ្មីឱ្យខ្ញុំក៏ដោយ។ កុងត្រាចាស់របស់ខ្ញុំនៅ Liverpool នឹងត្រូវចប់នារដូវដោះដូរកីឡាករនារដូវក្ដៅឆ្នាំក្រោយនេះហើយ ប៉ុន្តែខ្ញុំមិនទាន់បានទទួលការបន្តកុងត្រាអ្វីទៀតនោះទេ។ ខ្ញុំនឹងចាំមើលទៀតថាតើលោក Brendan Rodgers នឹងគិតយ៉ាងម៉េច។ ប្រសិនបើគេមិនយកខ្ញុំទេ ខ្ញុំនឹងទៅលេងនៅក្លិបដទៃ”។

Steven Gerrard ជាកីឡាករដែលលេងនៅ Liverpool តាំងពីនៅឈុតយុវជនមកម៉្លេះ ពោលគឺមិនទៅលេងនៅក្លិបណាផ្សេងនោះទេ ទោះជាមានក្លិបធំៗជាច្រើនធ្លាប់ចង់បានក៏ដោយ។ ខ្សែបម្រើដែលលេងនៅ Anfield អស់រយៈពេល១៦ឆ្នាំមកហើយនេះ ធ្លាប់បានបង្ហាញខ្លួនឱ្យ Liverpool ៦៨១ប្រកួតមកហើយ និងអាចរកគ្រាប់បាល់បាន១៧៦គ្រាប់៕

ចុចអាន៖ Gerrard ថា Real ចង់បានច្រើនដងដែរ តែចង់លេងនៅស្រុកកំណើតជាង

ប្រែសម្រួល៖ មុន្នី រម្យ

ប្រភព៖bbc