មាស ចាន់ណាគ្រោងប្រើក្បួន២យ៉ាងវគ្គជម្រុះ AFC Cup ខាងមុខនេះ
- 2016-08-19 17:47:38
- ចំនួនមតិ 0 | ចំនួនចែករំលែក 0
មាស ចាន់ណាគ្រោងប្រើក្បួន២យ៉ាងវគ្គជម្រុះ AFC Cup ខាងមុខនេះ
ចន្លោះមិនឃើញ
គ្រូបង្វឹកក្រុមណាហ្គាវើលត្រៀមប្រើក្បួន២យ៉ាងសម្រាប់ការប្រកួតវគ្គជម្រុះពានរង្វាន់ AFC Cup ដែលនឹងចាប់ផ្តើមប្រកួតនៅថ្ងៃទី២៣ ខែសីហាខាងមុខនេះ ខណៈក្រុមតំណាងឲ្យកម្ពុជាមួយនេះបានចេញដំណើរពីប្រទេសកម្ពុជាទៅប្រទេសម៉ុងហ្គោលីកាលពីយប់មិញ។
លោក មាស ចាន់ណាបានឲ្យដឹងថា លោកបានត្រៀមប្រើយុទ្ធសាស្ត្រ២យ៉ាងគឺទី១ លេងរបៀបការពារនៅតំបន់ខាងក្រោម ហើយវាយបកវិញឲ្យបានលឿនបំផុត។ ទី២ប្រើក្បួនចាប់កីឡាករគេ និងដាក់សម្ពាធនៅផ្នែកខាងលើ ហើយវាយសម្រុក នៅពេលក្រុមរបស់លោកត្រូវបានគេនាំមុខ។
«ពេលខ្ញុំបានមើលទម្រង់លេងរបស់ក្រុមមកពីនេប៉ាល់ និងម៉ុងហ្គោលី រួចហើយនោះទើបខ្ញុំសម្រេចចិត្តត្រូវប្រើទម្រង់មួយណាដើម្បីលេងតទល់ជាមួយក្រុមទាំងពីរនេះ»។ សម្ដីលោកគ្រូ មាស ចាន់ណា បាននិយាយ និងបន្ថែមថា របៀបលេងទាំងពីរខាងលើ ក្រុមរបស់លោកបានហ្វឹកហាត់ជាបន្តបន្ទាប់ហើយ។
ក្រុមណាហ្គាវើល
ក្រុមណាហ្គាវើល បានចេញដំណើរទៅប្រទេសម៉ុងហ្គោលីកាលពីយប់មិញ ថ្ងៃទី១៨ ខែសីហានេះដើម្បីចូលរួមប្រកួតជម្រុះពានរង្វាន់ AFC Cup ឆ្នាំ២០១៧។ វគ្គជម្រុះនេះក្រុម ណាហ្គាវើល ប៉ះក្រុម Three Star Club (មកពីប្រទេសនេប៉ាល់) ថ្ងៃទី២៣ សីហា និងប្រកួតចុងក្រោយជួប Erchim FC (របស់ម៉ុងហ្គោលី) ថ្ងៃទី២៥ សីហា ឆ្នាំ២០១៦៕
អត្ថបទ៖ នួន ស៊ីណា