ថោន ត្រៀមប្រើសិទ្ធិជាម្ចាស់ ចាត់ការ ការប្រើប្រាស់ស្នាដៃខ្លួនគ្មានការអនុញ្ញាត

2016-08-20 17:46:02
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីក្រសួង ប្រកាសពីការត្រៀមបង្កើតអង្គភាពគ្រប់គ្រងសិទ្ធិរួម ដើម្បីធ្វើការលើការប្រើប្រាស់ស្នាដៃរបស់ម្ចាស់សិទ្ធិទាំងឡាយ ថ្មីៗនេះ ថោន ដែលជាផលិតកម្មក្នុងស្រុកមួយ បានចេញសេក្ដីជូនដំណឹងថា ខ្លួនត្រៀមនឹងប្រើប្រាស់ភាពជាម្ចាស់ ចំពោះការប្រើប្រាស់ស្នាដៃរបស់ខ្លួនទាំងឡាយដែលគ្មានការអនុញ្ញាត។

សេចក្ដីជូនដំណឹងនេះរបស់ថោន គឺផ្ដោតទៅលើការប្រើប្រាស់ស្នាដៃរបស់ខ្លួនមាន បទចម្រៀង វីដេអូ ខារ៉ាអូខេ ពីបណ្ដាស្ថាប័ន និងបណ្ដាញសង្គមនានា។ ថោន បានចាត់ទុកដា សកម្មភាពទាំងនោះ គឺជាការរំលោភលើសិទ្ធិទទួលបានផលប្រយោជន៍របស់ផលិតកម្ម។

ដូច្នេះហើយ ថោន នឹងចាត់វិធានការណ៍ចំពោះសកម្មភាពរំលោភសិទ្ធិទាំងឡាយ។ តាមសេក្ដីជូនដំណឹងដែលចេញកាលពីថ្ងៃម្សិលមិញ និងចុះហត្ថលេខាដោយលោក អ៊ា វឌ្ឍនា ជាប្រធានគ្រប់គ្រងការផលិត ថោន នឹងចាប់ផ្ដើមអនុវត្តន៍សិទ្ធិរបស់ខ្លួន ចាប់ពីថ្ងៃទី ០១ កញ្ញា ២០១៦ ខាងមុខ។

យោងតាមច្បាប់សិទ្ធិអ្នកនិពន្ធ និងសិទ្ធិប្រហាក់ប្រហែល រាល់ការប្រើប្រាស់ស្នាដៃរបស់អ្នកនិពន្ធ ម្ចាស់សិទ្ធិ និងសិទ្ធិប្រហាក់ប្រហែល ដោយគ្មានការអនុញ្ញាត គឺជាការរំលោភបំពានលើសិទ្ធិរបស់ម្ចាស់ស្នាដៃចំនួន២ទី១ សិទ្ធិបេតិកភណ្ឌ ឬហៅម្យ៉ាងទៀតថា សិទ្ធិសេដ្ឋកិច្ច និងទី២ គឺសិទ្ធិសីលធម៌ ៕

ប្រកាសពីអង្គភាពគ្រប់គ្រងសិទ្ធិរួម ដើម្បីគាំទ្រស្នាដៃអ្នកនិពន្ធ ម្ចាស់កម្មសិទ្ធិ និងសិទ្ធិប្រហាក់ប្រហែល