គ្រូក្រោន ថាហ្វ្រីឃីក ប្រាក់ មុន្នីឧត្តម ម្សិលមិញ គ្មាននរណាចាប់បានទេ

2016-08-25 20:30:30
ចំនួនមតិ 0 | ចំនួនចែករំលែក 0

ចន្លោះមិនឃើញ

“ហ្វ្រីឃីកគ្រាប់ដំបូងរបស់ ប្រាក់ មុន្នីឧត្តម ច្បាស់ណាស់ថាគ្មាននរណាម្នាក់អាចចាប់បានទេ... មិនមែនអ្នកចាំទីណាអាចចាប់មួយគ្រាប់នោះបានឡើយ”។ សម្ដីរបស់លោក សែម សំណាង គ្រូបង្វឹករបស់ក្លឹបភ្នំពេញក្រោន។

ប្រកួតចុងក្រោយរបស់ភ្នំពេញក្រោនក្នុងលីគកំពូលកម្ពុជារដូវកាលនេះ គឺចាញ់ក្រុមម្ចាស់ផ្ទះព្រះខ័នរាជស្វាយរៀង ដោយលទ្ធផល ៣-២ ។ ខណៈដែល៣គ្រាប់របស់ស្វាយរៀង ធ្វើបានដោយខ្សែប្រយុទ្ធ ប្រាក់ មុន្នីឧត្តម ២គ្រាប់ ដោយសុទ្ធតែបាល់ហ្វ្រីឃីកទាំងអស់។

ក្រោយចប់ការប្រកួតនោះ លោក សែម សំណាង គ្រូបង្វឹកភ្នំពេញក្រោនបានបង្ហាញចំណាប់អារម្មណ៍ថាប្រព័ន្ធការពាររបស់លោកមិនសូវល្អ ដែលជាចំណុចមួយឱ្យកីឡាករខាងក្រុមស្វាយរៀងអាចរកគ្រាប់បាល់បាន។ មួយវិញទៀត គ្រូបង្វឹកសញ្ជាតិស្វីសរូបនេះ មើលឃើញទៀតថាគ្រាប់ដែល ឧត្តម ទាត់ហ្វ្រីឃីកគ្រាប់ដំបូងនោះ គឺគ្មានអ្នកចាំទីមកពីណា អាចចាប់បាននោះទេ ពោលគឺជាគ្រាប់បាល់ទាត់ចំមុខ៩០ដឺក្រេល្អណាស់។