អ៊ីតាលីកាន់ទុក្ខជនរងគ្រោះបាត់បង់ជីវិតជិត៣០០នាក់ ដោយសាររញ្ជួយដី
- 2016-08-27 15:44:33
- ចំនួនមតិ 0 | ចំនួនចែករំលែក 0
អ៊ីតាលីកាន់ទុក្ខជនរងគ្រោះបាត់បង់ជីវិតជិត៣០០នាក់ ដោយសាររញ្ជួយដី
ចន្លោះមិនឃើញ
អ៊ីតាលី កំពុងប្រារព្ធថ្ងៃកាន់ទុក្ខដល់មនុស្សជិត៣០០នាក់ដែលបានបាត់បង់ជីវិត ដោយសារគ្រោះរញ្ជួយដីធំមួយកើតឡើងនៅតំបន់ជួរភ្នំកណ្ដាលនៃប្រទេស។ នេះបើយោងតាមសារព័ត៌មានអង់គ្លេស BBC។
គ្រោះធម្មជាតិខាងលើបានវាយប្រហារអ៊ីតាលី កាលពីរសៀលថ្ងៃពុធកន្លងទៅ។ មកទល់ពេលនេះ ចំនួនអ្នកស្លាប់នៅត្រឹម២៧៨នាក់ ហើយក្រុមសង្គ្រោះពុំទាន់បានរកឃើញអ្នកនៅរស់រានមានជីវិតណាម្នាក់ឡើយ តាំងពីថ្ងៃកើតហេតុមក។ ទោះយ៉ាងណា អាជ្ញាធរថា ពួកគេនឹងបន្តស្វែងរកជនរងគ្រោះជាបន្តទៀត។
តាមប្រភពសារព័ត៌មាន BBC ដដែលបានឲ្យដឹងថា នាយករដ្ឋមន្ត្រីអ៊ីតាលី លោក Matteo Renzi នឹងទៅចូលរួមពិធីបុណ្យសពជនរងគ្រោះ នៅទីក្រុង Arquata ជាកន្លែងទទួលរងការវាយប្រហារខ្លាំងក្លាពីគ្រោះធម្មជាតិខាងលើ។
រហូតមកដល់ពេលនេះ រដ្ឋាភិបាលអ៊ីតាលីបានចេញសេចក្ដីប្រកាសអាសន្ននៅតាមតំបន់រងឥទ្ធិពលមួយចំនួន និងបានចំណាយថវិកាជាង៥៥លានដុល្លារសម្រាប់ការសាងសង់តំបន់រងការខូចខាតឡើងវិញ៕
ចុចអាន៖ ទន្លេមួយនៅរុស្ស៊ី ប្រែជាពណ៌ផ្កាឈូករៀងរាល់ខែសីហា
ប្រែសម្រួល៖ មាន រតនា ប្រភព៖ BBC