អតិថិជនឆ្នើមស្រាបៀរកម្ពុជាប្រចាំឆ្នាំជិត ៣០០ នាក់ ចេញដំណើរទៅកម្សាន្តនៅថៃ ៣ថ្ងៃ
- 2016-08-27 19:53:46
- ចំនួនមតិ 0 | ចំនួនចែករំលែក 0
អតិថិជនឆ្នើមស្រាបៀរកម្ពុជាប្រចាំឆ្នាំជិត ៣០០ នាក់ ចេញដំណើរទៅកម្សាន្តនៅថៃ ៣ថ្ងៃ
ចន្លោះមិនឃើញ
អតិថិជនឆ្នើមប្រចាំឆ្នាំ២០១៦ ចំនួន ២៩៦ នាក់របស់ក្រុមហ៊ុនស្រាបៀរកម្ពុជា បានចេញដំណើរទៅកម្សាន្តនៅប្រទេសថៃ កាលពីព្រឹកមិញនេះ ខណៈដែលការចំណាយទាំងអស់ ត្រូវបានរ៉ាប់រងដោយក្រុមហ៊ុន ដើម្បីតបស្នង និងអរគុណដល់អតិថិជន។
ដំណើរកម្សាន្តនេះ មានរយៈពេល ៣ ថ្ងៃ ចាប់ពីថ្ងៃទី២៧ ដល់ ២៩ សីហានេះ ដោយគោលដៅទេសចរណ៍សំខាន់ៗ រួមមាន កសិដ្ឋានចៀមស្វីស ចម្ការទំពាំងបាយជូរដ៏ល្បីប្រចាំខេត្តហួហីន និង វេនេស៊ៀ (Venice) ដែលជាទីក្រុងសិប្បនិម្មិតរបស់ប្រទេសអ៊ីតាលី នៅក្នុងប្រទេសថៃ។
លោក ភីតធឺ លាង អគ្គនាយកក្រុមហ៊ុនខែ្មរប្រ៊ូវើរី លីមីតធីត ដែលផលិតស្រាបៀរកម្ពុជា បានឲ្យដឹងថា៖ "ដំណើរកម្សាន្តនេះអាចកើតមានឡើង ដោយសារការពួតដៃប្រឹងប្រែងជាមួយគ្នារវាងក្រុមហ៊ុន និងអ្នកលក់របស់យើង ដោយអ្នកលក់ខំលក់ ខណៈក្រុមហ៊ុនខំជំរុញពីក្រោយតាមរយៈការរៀបចំ និងឧបត្ថម្ភកម្មវិធីពិសេសផ្សេងៗ"។
អតិថិជនឆ្នើមទាំង២៩៦នាក់នេះ ជាអ្នកលក់ដុំស្រាបៀរកម្ពុជា ម្ចាស់ភោជនីយដ្ឋាន ម្ចាស់ក្លឹបកម្សាន្ត និងម្ចាស់មជ្ឈមណ្ឌលកម្សាន្តផ្សេងៗដែលដាក់លក់ស្រាបៀរកម្ពុជា។
នៅឆ្នាំក្រោយនេះ ក្រុមហ៊ុននឹងបន្តរៀបចំដំណើរកម្សាន្តដល់អតិថិជនឆ្នើមបន្តទៀត ដោយឆ្ពោះទៅប្រទេសជប៉ុន អូស្ត្រាលី និងថៃ។ នេះបើតាមការឲ្យដឹងរបស់ក្រុមហ៊ុនស្រាបៀរកម្ពុជា។
កាលពីចុងខែកក្កដា ថ្មីៗនេះ ស្រាបៀរកម្ពុជា បាននាំអតិថិជនឆ្នើមប្រចាំឆ្នាំ២០១៦ ម្ដងរួចមកហើយ ចំនួន ៥៦ នាក់ទៅកម្សាន្តនៅប្រទេសជប៉ុន រយៈពេល ៦ យប់ ៧ ថ្ងៃ (២៧ កក្កដា - ២ សីហា)។ ដំណើរកម្សាន្តបែបនេះ ត្រូវបានស្រាបៀរកម្ពុជារៀបចំដំបូងកាលពីឆ្នាំ ២០១៥ ដោយឆ្ពោះទៅប្រទេសម៉ាឡេស៊ី និងទីក្រុងហុងកុង៕
អត្ថបទ៖ សុផាត