យុវជនកាណាដាចាប់បានត្រីធំចម្លែក ប្រវែង៣ម៉ែត្រ ទម្ងន់ជាង២៩៤ គ.ក
- 2016-08-27 17:20:25
- ចំនួនមតិ 0 | ចំនួនចែករំលែក 0
យុវជនកាណាដាចាប់បានត្រីធំចម្លែក ប្រវែង៣ម៉ែត្រ ទម្ងន់ជាង២៩៤ គ.ក
ចន្លោះមិនឃើញ
យុវជនកាណាដាម្នាក់ បានធ្វើឲ្យសារព័ត៌មានក្នុងស្រុកជាច្រើនចាប់អារម្មណ៍ខ្លាំង បន្ទាប់ពីចាប់បានត្រី Sturgeon ធំ (ប្រភេទត្រីធំម្យ៉ាងយកមកធ្វើអាហារ) ពណ៌សមួយក្បាលក្នុងទន្លេ Fraser ខេត្ត British Columbia របស់កាណាដា។
តាមសារព័ត៌មាន កាណាដា Global News ត្រីធំមួយក្បាលខាងលើដែលចាប់បានតាំងពីថ្ងៃអង្គារកន្លងទៅ គឺមានប្រវែងជាង៣ម៉ែត្រ និងទម្ងន់ដល់ទៅ ៦៥០ផោន (២៩៤,៨៣ គីឡូក្រាម) និងមានច្រមុះពណ៌ផ្កាឈូកដូចសត្វជ្រូក ខុសពីធម្មតា។
បើតាមលោក Jeff Grimolfson បុគ្គលិកនៃក្រុមហ៊ុនទេសចរណ៍នេសាទនៅតំបន់នោះ បានឲ្យដឹងថា ត្រីធំនោះអាចមានអាយុដល់៨០ឆ្នាំ ដោយពិនិត្យលើទំហំរបស់វា ហើយច្រមុះខុសធម្មតារបស់វា អាចជាការត្រូវរបួសកាលពី៤០ឆ្នាំមុន៕
ចុចអាន៖ ចាប់បានត្រីចម្លែក ច្រមុះវែង មានស្លាបនិងភ្នែកភ្លឺ
ប្រែសម្រួល៖ មាន រតនា ប្រភព៖ globalnews, dailymail