អម្ពរ ទេវី ត្រឡប់ទៅអាមេរិកវិញមុននេះ
- 2016-08-27 21:25:21
- ចំនួនមតិ 0 | ចំនួនចែករំលែក 0
អម្ពរ ទេវី ត្រឡប់ទៅអាមេរិកវិញមុននេះ
ចន្លោះមិនឃើញ
តារាសម្ដែងជើងចាស់ អម្ពរ ទេវី បានចេញទៅសហរដ្ឋអាមេរិកវិញហើយ កាលពីវេលាថ្ងៃត្រង់នេះ ដោយរួមដំណើរដោយកូនប្រុសរបស់អ្នកស្រី។
ទេព រិនដារ៉ូ និងអម្ពរ ទេវី (រូបថត៖ FB អម្ពរ ទេវី)
អម្ពរ ទេវី បានមកដល់កម្ពុជាកាលពីថ្ងៃទី ១៣ សីហា ក្នុងបេសកកម្មចុះមកថតភាពយន្តខ្មែរមួយរឿង ដែលតាមព័ត៌មាន គឺជារឿងចុងក្រោយសម្រាប់ជីវភាពជាតារាសម្ដែង បន្ទាប់ពីឈប់សម្រាកអស់ពេលជាង ១០ឆ្នាំ។
យ៉ាងណាក្រោយចប់បេសកកម្មសិល្បៈលើទឹកដីប្រទេសកម្ពុជា ថតរឿងឲ្យផលិតកម្មថោន តារាសម្ដែងជើងចាស់រូបនេះ បានចាកចេញទៅទឹកដីអាមេរិកវិញហើយ នៅវេលាម៉ោងថ្ងៃត្រង់នេះ ដោយគេឃើញមិត្តរួមអាជីព ពិសេសលោក ពេជ្រ ភារុណ អតីតស្វាមី និងសិល្បកររួមជំនាន់មួយចំនួន ជូនដំណើរផង៕
រូបថត៖ សហការី
អត្ថបទ៖ ទារិកា