តោះ! មើលវីឡាអណ្ដែតសមុទ្រនៅឌូបៃតម្លៃ១២លានដុល្លារ ស្អាតគ្មានគូប្រៀប

2016-08-27 23:18:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនឌីហ្សាញ Kleindienst Group បានចាប់ផ្ដើមគម្រោងសាងសង់វីឡាអណ្ដែតទឹកនៅឌូបៃ ស្អាតបំផុតក្នុងលោក តាំងពីដើមឆ្នាំ២០១៦ នេះមកម្ល៉េះ ហើយនឹងបញ្ចប់ដំណាក់កាលទី១ នៅចុងខែតុលា ឆ្នាំនេះ ដោយប្រើអ្នកឌីហ្សាញ វិស្វករ និងស្ថាបត្យករសរុបជាង ២០០ នាក់មកពី ២៥ ប្រទេស។

វីឡានេះ ត្រូវដាក់លក់ក្នុងតម្លៃ ១២ លានដុល្លារ មាន ៣ ជាន់ ខណៈដែលជាន់ក្រោមគេ គឺជាបន្ទប់គេងធំនៅបាតទឹកសមុទ្រថ្លាពណ៌ខៀវតែម្ដង អាចមើលឃើញមច្ឆា និងផ្កាថ្ម។ ឯជាន់លើគេ គេហៅថា Sky Bedroom ជាប្រភេទបន្ទប់គេងលើអាកាស។ វីឡានេះ មានច្រើនបន្ទប់ រហូតដល់ថ្នាក់អាចដាក់មនុស្សជំទង់បាន ៨ នាក់ និងក្មេង ៨ នាក់ឯណោះ។

គម្រោងនេះ ស្ថិតច្រវាក់កោះឯកជនមួយឈ្មោះ Heart of Europe។ ទឹកសមុទ្រថ្លាខៀវមើលឃើញបាត ឯឆ្នេរខ្សាច់ទៀតសោត សស្គុសតែម្ដង។ នៅជុំវិញវីឡានីមួយៗ គេនឹងរៀបចំធ្វើជាសួន ដោយដេគ័រ និងដាំផ្កាថ្ម ឯផ្ទៃខាងក្នុង ត្រូវគេបំពាក់ឧបករណ៍ Smart Devices។ គម្រោងទាំងមូលដែលមានតែ ៤០ វីឡានេះ នឹងបញ្ចប់នៅឆ្នាំ២០១៧ និង២០១៨៕