បុរសអនាថារើសបានកាបូបសុខចិត្តប្រគល់ឲ្យម្ចាស់វិញ បានសគុណមិនគួរឲ្យជឿ
- 2016-08-28 16:05:57
- ចំនួនមតិ 0 | ចំនួនចែករំលែក 0
បុរសអនាថារើសបានកាបូបសុខចិត្តប្រគល់ឲ្យម្ចាស់វិញ បានសគុណមិនគួរឲ្យជឿ
ចន្លោះមិនឃើញ
បុរសអនាថាជនជាតិថៃរស់នៅក្រុងបាងកកម្នាក់ ត្រូវបានមនុស្សទូទៅគោរពកោតសរសើរពីទឹកចិត្តដ៏ស្មោះត្រង់ បន្ទាប់ពីរើសបានកាបូបលុយតូចមួយ តែសុខចិត្តព្រមប្រគល់ឲ្យម្ចាស់ដើមវិញ។
ក្នុងកាបូបនោះមានប្រាក់តែ ២០ ០០០បាត ឬប្រមាណ ៥៧៧ដុល្លារប៉ុណ្ណោះ និងកាតក្រេឌីតមួយចំនួន ហើយព័ត៌មាននេះត្រូវបានគេចែកចាយព្រោងព្រាតតាមបណ្ដាញសង្គមថៃ ព្រោះទង្វើបុរសនេះ បានធ្វើឲ្យរូបគេទទួលបានជីវិតថ្មី ការងារថ្មីនៅរោងចក្ររបស់ម្ចាស់កាបូបប្រាក់ខែជិត ៣២០ដុល្លារ និងផ្ទះមួយកន្លែងថែមទៀត។
បុរសម្ចាស់កាបូប បានជ្រុះបាត់កាបូបលុយដោយមិនដឹងខ្លួននៅក្បែរស្ថានីយរថភ្លើងក្រោមដី។ បុរសអនាថាបានជួបប្រទះដោយចៃដន្យ និងព្យាយាមយកកាបូបប្រគល់ឲ្យម្ចាស់វិញ តែតាមមិនទាន់។
ដោយមិនអស់សង្ឃឹម បុរសចិត្តស្មោះរូបនេះ បានយកកាបូបទៅកាន់ប៉ុស្តិ៍ប៉ូលិស រួចស្នើឲ្យប៉ូលិសជួយតាមរកម្ចាស់កាបូប រហូតស្រាវជ្រាវឃើញតែម្ដង។ ម្ចាស់កាបូបឃើញដូចនេះមានការត្រេកអ និងអរគុណដល់បុរសអនាថាពីទឹកចិត្តកម្ររកបាន និងបានជូនសគុណជាការងារថ្មីមួយ និងកន្លែងស្នាក់នៅមួយ ពេលគាត់ដឹងថាបុរសនេះគ្មានការងារជាងមួយឆ្នាំ និងយកស្ថានីយរថភ្លើងក្រោមដី Huay Kwang MRT ជាកន្លែងដេក។
មិត្តស្រីរបស់ម្ចាស់កាបូបនាង Tarika បានសរសេរបង្ហោះលើបណ្ដាញសង្គម Facebook ថា "លោកពូអនាថា គាត់កំពុងស្នាក់នៅកន្លែងមានផាសុកភាពហើយពេលនេះ។ ការធ្វើអំពើល្អ ពិតណាស់អ្នកនឹងទទួលបានភាពរីករាយក្នុងជីវិត"៕
ផ្ទះថ្មីរបស់បុរសអនាថា
ប្រែសម្រួល៖ ឡេង ភារុណ ប្រភព៖ Metro