រន្ទះបាញ់ចំហ្វូងរមាំង សម្លាប់ជាង៣០០ក្បាលក្នុងមួយប៉ប្រិចភ្នែក
- 2016-08-30 14:56:30
- ចំនួនមតិ 0 | ចំនួនចែករំលែក 0
រន្ទះបាញ់ចំហ្វូងរមាំង សម្លាប់ជាង៣០០ក្បាលក្នុងមួយប៉ប្រិចភ្នែក
ចន្លោះមិនឃើញ
សត្វរមាំងជាង ៣០០ក្បាល ត្រូវបានរន្ទះបាញ់ ងាប់គជើងលើគ្នានៅប្រទេសន័រវែស ដោយមន្ត្រីសត្វព្រៃហៅថាជាគ្រោះធម្មជាតិធំមិនធម្មតាមួយ។
ភ្នាក់ងារមន្ត្រីបរិស្ថានន័រវែស បានបញ្ចេញរូបភាពគួរឲ្យសង្វេគ និងព្រឺក្បាលរបស់សាកសពរមាំងដេករដូករណែលលើវាលស្មៅនៅខ្ពង់រាបនៃភ្នំ Hardangervidda។ ភ្នាក់ងារខាងលើនិយាយថា រមាំង ៣២៣ក្បាល ក្នុងនោះមានកូនវា៧០ក្បាល ត្រូវបានរន្ទះលាយឡំនឹងព្យុះបាញ់សម្លាប់ កាលពីថ្ងៃសុក្រសប្ដាហ៍មុន។
ប្រភពដដែលបន្ថែមថា វាមិនមែនជាចម្លែកទេ ដែលរន្ទះបាញ់រមាំង ឬសត្វព្រៃផ្សេងទៀត ប៉ុន្តែនេះជាចំនួនដ៏ច្រើនសម្បើមមិនធ្លាប់មាន។ ខ្ពង់រាប Hardangervidda ជាជម្រករមាំងច្រើនបំផុតនៅប្រទេសន័រវេស គឺប្រមាណពី១០ ០០០ ទៅ១១ ០០០ក្បាល៕
ប្រែសម្រួល៖ ឡេង ភារុណ ប្រភព៖ CNN