What is Love? ចម្រៀងក្នុងអាល់ប៊ុម Songkites Season of Love
- 2016-08-31 18:19:06
- ចំនួនមតិ 0 | ចំនួនចែករំលែក 0
What is Love? ចម្រៀងក្នុងអាល់ប៊ុម Songkites Season of Love
ចន្លោះមិនឃើញ
កាលពីម្សិលមិញក្រុមចម្រៀង Songkites Season of Love បានមកជួបជុំគ្នានៅ Koi ព្រះត្រសក់ផ្អែមដើម្បីជួបជុំអ្នកគាំទ្រក៏ដូចជាបើកសម្ពោធការលក់សំបុត្រចូលរួមការប្រគំតន្ត្រីរបស់ពួកគេ ហើយជាពិសេសពួកគេបានបកស្រាយចម្រៀង What is Love? រួមគ្នាដែលត្រៀមចេញជាផ្លូវការក្នុងពេលឆាប់ៗនេះហើយ។
សំបុត្រចូលរួមទស្សនានឹងត្រូវដាក់លក់ចាប់ពីថ្ងៃនេះរហូតដល់ថ្ងៃទី០៣ខែកញ្ញាដែលត្រូវនឹងថ្ងៃប្រគំតន្ត្រីតែម្ដង អ្នកគាំទ្រទាំងអស់អាចស្វែងរកទិញសំបុត្របាននៅគ្រប់សាខា Koi Cafe លើកលែងតែសាខា Aeon Mall តែប៉ុណ្ណោះ។ ការប្រគំតន្ត្រីនេះនឹងត្រូវប្រព្រឹត្តឡើងនៅ Black Box ស្ថិតក្នុងសាលាអន្តរជាតិ ISPP សាខាចាក់អង្រែ។
អ្នកស្រី Carrie Herbert ដែលជាម្ចាស់គម្រោង Songkites បានលើកឡើងថា នេះជាលើកទី២ហើយដែល Songkites បានសម្រេចចិត្តផលិតអាល់ប៊ុមចម្រៀងឡើង ដែលលើកទី១ នោះគឺជាអាល់ប៊ុមទូទៅ ហើយ Songkites បានបណ្ដុះពន្លកតារា Original Song ដែលមានគេឈ្មោះបោះសំឡេងក្នុងស្រទាប់យុវវ័យជាច្រើនដូចជា លោក ម៉ា ចន្ទ័បញ្ញា លោក Jimmy Kiss លោក អ៊ួង សូរិយា Nikki Nikki ជាដើម។
"អាល់ប៊ុមទី១ដែលយើងបានចេញកាលពី៣ឆ្នាំមុនយើងផ្តោតទៅលើ Original Song តែមួយមុខគត់ តែអាល់ប៊ុមទី២នេះ គឺយើងផ្តោត Original Song ដែរ ប៉ុន្តែយើងនិយាយពីក្តីស្រលាញ់ទាំងអស់ក្នុងអាល់ប៊ុមមួយនេះ"។
ចំណែកឯកញ្ញា លី បូរ៉ាវី ដែលជាអ្នកតំណាងឲ្យ Koi កម្ពុជាវិញ បានឲ្យដឹងថាកាលដែល Koi សម្រេចចិត្តសហការក៏ដូចជាផ្ដល់ទីតាំងសម្រាប់ការលក់សំបុត្រព្រោះ៖ "យើងចង់ឃើញក្មេងៗ របស់កម្ពុជាមានលទ្ធភាពផលិតបទចម្រៀងខ្លួនឯងដោយមិនចម្លងពីបរទេសនិយាយរួមទៅយើងចង់ឲ្យវិស័យចម្រៀងយើងរីកចម្រើនតែម្ដង"។
សម្រាប់អាល់ប៊ុម Songkites Season of Love នេះ គឺមានតារាចម្រៀង Original Song ៩រូប ដែលត្រូវសហការគ្នាដើម្បីផលិតអាល់ប៊ុម សេចក្ដីស្រលាញ់នេះឡើងដែលក្នុងនោះមានដូចជា លោក អ៊ួន បឋម កញ្ញា ថាច់ ម៉ារិ លោក Felix លោក Ting Tong កញ្ញា ឈឹត កញ្ចនា និង មេក្រុម CagePitch វិសុទ្ធ ជាដើម ហើយបទចម្រៀងទាំងអស់នឹងចេញជាផ្លូវការនៅខែក្រោយនេះមានតែនៅលើ Smart Music តែប៉ុណ្ណោះ៕
តោះ...!!! ទៅស្ដាប់បទ What is Love? ទាំងអស់គ្នា៖
អត្ថបទ៖ SAMEDY