យុវជនម្នាក់ Hack វិបសាយនាយករដ្ឋមន្ត្រីដើម្បីលើកពេលការប្រឡង
- 2016-09-01 13:10:02
- ចំនួនមតិ 0 | ចំនួនចែករំលែក 0
យុវជនម្នាក់ Hack វិបសាយនាយករដ្ឋមន្ត្រីដើម្បីលើកពេលការប្រឡង
ចន្លោះមិនឃើញ
យុវជននៅប្រទេសស្រីលង្កាមួយរូបមិនត្រូវគេបញ្ចេញឈ្មោះ ត្រូវចាប់ខ្លួនដោយសារ Hack វិបសាយរបស់នាយករដ្ឋមន្ត្រីដើម្បីបង្ហោះសារទាមទារឲ្យលើកពេលនៃការប្រឡងចូលមហាវិទ្យាល័យរបស់ខ្លួន។
វិបសាយផ្លូវការរបស់នាយករដ្ឋមន្ត្រីស្រីលង្កាលោក Maithripala Sirisena ត្រូវបាន Hack កាលពីថ្ងៃព្រហស្បតិ៍ និង ថ្ងៃសុក្រ សប្ដាហ៍មុន ដោយក្រុមមួយដែលឲ្យឈ្មោះខ្លួនឯងថា Sri Lankan Youth។ ក្រោយពី Hack បានសម្រេច ពួកគេបានបង្ហោះសារដើម្បីឲ្យពន្យារពេលការប្រឡងដែលធ្វើឡើងនាខែមេសាឆ្នាំក្រោយ។ មិនតែប៉ុណ្ណោះ ថែមទាំងទាមទារឲ្យលោក Sirisena ឲ្យឈប់ទទួលបន្ទុកការងារជានាយករដ្ឋមន្ត្រី ហើយមកយកចិត្តដាក់លើបញ្ហារបស់សិស្សនិស្សិតឯណេះវិញ។
តាមការចុះផ្សាយរបស់សារព័ត៌មាន AFP បានឲ្យដឹងថា យុវជនវ័យ ១៧ ឆ្នាំរូបនោះ ត្រូវបានចាប់ខ្លួនកាលពីថ្ងៃចន្ទ ហើយត្រូវប្រឈមនឹងការពិន័យជាទឹកប្រាក់ ២ ០០០ ដុល្លារ និង អាចជាប់គុករយៈពេល ៣ ឆ្នាំ៕
ចុចអាន៖ iPhone 7 មិនទាន់ប្រកាសផង សំបកហោះមកដល់ខ្មែរបាត់
ប្រែសម្រួល៖ ហៃ សុខហេង ប្រភព៖ TheVerge