កាហ្វេ Brown មិនទាន់គិតគូររឿងលក់ Franchise
- 2016-09-01 14:46:50
- ចំនួនមតិ 0 | ចំនួនចែករំលែក 0
កាហ្វេ Brown មិនទាន់គិតគូររឿងលក់ Franchise
ចន្លោះមិនឃើញ
ហាងកាហ្វេល្បីឈ្មោះក្នុងស្រុក Brown មិនទាន់គិតគូរចង់លក់ Franchise របស់ខ្លួនភ្លាមៗនៅឡើយទេ បើទោះហាងនេះត្រូវបានយុវវ័យនិងមហាជនទូទៅទទួលស្គាល់ស្នាដៃយ៉ាងណាក្តី។
លោក ចាង ប៊ុនលាង សហស្ថាបនិកនៃហាងកាហ្វេនេះ បានទម្លាយថា លោកមិនទាន់អាចឆ្លើយបាននៅឡើយថា ព្រមឬមិនព្រម ពាក់ព័ន្ធនឹងលក់ Franchise នេះទេ។ ម្ចាស់ពានរង្វាន់សហគ្រិនឆ្នើមប្រចាំឆ្នាំ២០១៦ បន្តថា វាមិនមែនជារឿងអាក្រក់នោះឡើយ ដោយសារតែវាជួយឲ្យហាង Brown អាចបោះជំហានទៅមុខលឿន។ ប៉ុន្តែហាងនេះ មិនមែនជាការចូលរួមចំណែកលោកតែម្នាក់ឯងនោះទេ គឺមានគ្នា៦នាក់ ដូច្នេះមានរឿងជាច្រើនដែលត្រូវពិភាក្សាគ្នា។
"បើសិនជាចង់រីកចម្រើនលឿនជាងនេះ តើគួរតែរៀបចំបែបណា?” នេះជារឿងដែលខាងលោកកំពុងគិតគូ តើគួររៀបទំហំទីតាំងដូចម្ដេច ហើយត្រូវប្រឈមបាត់អ្វីខ្លះ ដែលខាងលោកត្រូវសិក្សាច្រើនបន្ថែមទៀត។
ប៉ុន្មានឆ្នាំចុងក្រោយនេះហាងកាហ្វេក្រៅស្រុកជាច្រើនបានហូរចូលមកកម្ពុជា តែកាហ្វេ Brown នៅតែអាចប្រកួតប្រជែងនិងឈរឈ្មោះក្នុងចិត្តអតិថិជន។ ដោយឡែក ថ្មីៗនេះក្រុមហ៊ុនហាងកាហ្វេ Amazon របស់ថៃផ្ដល់សិទិ្ធធ្វើអាជីវកម្មដល់សាធារណជននៅកម្ពុជាផងដែរ ។ ពាណិជ្ជករដែលអាចមានសិទិ្ធដំណើរការហាងកាហ្វេនេះបានត្រូវចំណាយប្រាក់ ១៦ ០០០ ដុល្លារដើម្បីទិញសិទ្ធិ។ បន្ថែមលើនេះអ្នកទទួលសិទ្ធិក៏ត្រូវសាងសង់តែងលម្អហាង និងបំពាក់ឧបករណ៍ឲ្យស្របតាមលក្ខខណ្ឌតម្រូវរបស់ Amazon ដើម និងត្រូវបំពេញលក្ខខណ្ឌមួយចំនួនទៀតដូចជាអត្រាប្រាក់ចំណេញជាដើម៕
សូមអាន៖ អាយុជាឧបសគ្គធំសម្រាប់សហគ្រិនវ័យក្មេង
អត្ថបទ៖ លឹម សុនា