ហង្ស ម៉ារីនី ផ្ដោតលើការងារមនុស្សធម៌ជាងសិល្បៈ
- 2016-09-01 17:27:35
- ចំនួនមតិ 0 | ចំនួនចែករំលែក 0
ហង្ស ម៉ារីនី ផ្ដោតលើការងារមនុស្សធម៌ជាងសិល្បៈ
ចន្លោះមិនឃើញ
ហង្ស ម៉ារីនី បានថ្លែងក្នុងឱកាសយកអំណោយទៅជូនក្មេងៗនៅសាលាដូងថា នាងស្រលាញ់ការងារមនុស្សធម៌ណាស់ និងផ្ដោតលើការងារមួយនេះជាងសិល្បៈ។
អតីត Freshie girl រូបនេះ បានបន្តទៀតថា ពេលមានការងារសិល្បៈ ស្របពេលនាងចុះធ្វើកិច្ចការមនុស្សធម៌ នាងតែងសុខចិត្តចោលការងារសិល្បៈសិន។ “មកពីខ្ញុំស្រលាញ់ការងារជួយគេនោះ ដូច្នេះហើយ ទើបខ្ញុំខំប្រឹងប្រែងធ្វើសកម្មភាពខ្លាំងឡើងរហូតមក ហើយការងារមួយនេះខ្ញុំផ្ដោតសំខាន់ជាងសិល្បៈទៀត។”
តារាស្រីវ័យ ២៥ឆ្នាំ បញ្ជាក់មូលហេតុ ដែលធ្វើឲ្យនាងហ៊ានលះបង់ការងារសិល្បៈស្របពេលមានការងារមនុស្សធម៌ព្រោះ "ការងារជួយសង្គមរបស់ខ្ញុំ គឺជួយមនុស្សដែលខ្វះខាត ទីទ័លក្រ និងគ្មានអ្វីហូបចូក។ ដូចនេះហើយយើងខកខានមិនបានទេ តែសម្រាប់សិល្បៈវិញ យើងមិនបានធ្វើលើកនេះ នៅមានឱកាសពេលក្រោយទៀត។ តែសម្រាប់អ្នកដែលខ្វះខាតពួកគាត់ប្រហែលពិបាកចាំណាស់”។
ហង្ស ម៉ារីនី បន្ថែមថា កាលពីសប្ដាហ៍មុន ថ្ងៃដែលនាងយកអំណោយជាថវិកា និងសម្ភារៈសិក្សាទៅជូនក្មេងៗនៅសាលាដូងស្ថិតនៅភូមិរលោះ សង្កាត់កោះដាច់ ខណ្ឌជ្រោយចង្វា នោះ ក៏មានគេទាក់ទងឲ្យថតដែរ តែព្រោះតែជាប់ការងារមនុស្សធម៌បានជានាងមិនទទួល៕
ចុចអាន៖ហង្ស ម៉ារីនី៖ បើឈ្នះទឹកប្រាក់១០០% ខ្ញុំនឹងបរិច្ចាគ
អត្ថបទ៖ទ្រី រ៉ាវី រូបភាព៖ផ្ដល់ឲ្យ