បងប្អូនស្រី បង្កើតប្រវត្តិសាស្ត្រជាអ្នកបើកបរយន្តហោះ Boeing ដូចគ្នា

2016-09-01 17:55:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បងប្អូនបង្កើត ២នាក់បានសាងប្រវត្តិសាស្ត្រនៅប៉ាគីស្ថាន ដោយក្លាយជាអ្នកបើកបរយន្តហោះដឹកអ្នកដំណើរប្រភេទ Boeing 777 ដំបូងគេដូចគ្នា។

អ្នកនាំពាក្យក្រុមហ៊ុនអាកាសចរណ៍អន្តរជាតិប៉ាគីស្ថាន (PIA) លោក Danyal Gilani និយាយថា កញ្ញា Maryam Masood និង Erum Masood ធ្លាប់បើកយន្តហោះខុសគ្នា ប៉ុន្តែពេលនេះបានបើកយន្តហោះដូចគ្នា។ បងប្អូនគួរឲ្យស្រលាញ់ទាំងពីរ បានបើកបរយន្តហោះធន់ Boeing ដូចគ្នាពីទីក្រុងឡាហ័រ ប្រទេសប៉ាគីស្ថាន ទៅទីក្រុង ការ៉ាឈី, មែនឆេសស្ទើ (នៅអង់គ្លេស), ញីវយ៉ក (អាមេរិក) និងទីក្រុងឡុងដ៍ (អង់គ្លេស)។

កាលពីពេលថ្មីៗនេះ កញ្ញា Erum ជាប្អូនបានវិវឌ្ឍខ្លួនឈានទៅបើកយន្តហោះប្រភេទ Boeing 777 ដោយស្របជាមួយនឹងបងរបស់ខ្លួន ដែលជារឿងដ៏កម្រកើតមានក្នុងប្រវត្តិសាស្ត្រប្រទេសនេះ។

គួរបញ្ជាក់ថានារីប៉ាគីស្ថានជាច្រើនរូប ធ្លាប់ទទួលបានកេរ្តិ៍ឈ្មោះជូនប្រទេសជាតិក្នុងវិស័យអាកាសចរណ៍ផ្នែកសេវាកម្មល្អកាលពីឆ្នាំមុនៗ។ កាលឆ្នាំ២០០៦ ស្ត្រីចំនួន ៧នាក់ បានបញ្ចប់ការសិក្សាខាងអ្នកបើកយន្តហោះចម្បាំង ក្នុងជួរកម្លាំងអាកាសប៉ាគីស្ថាន ផងដែរ៕