លទ្ធផលបាក់ឌុបឆ្នាំ ២០១៦នេះ មានអ្នកជាប់ច្រើនជាងឆ្នាំមុន
- 2016-09-10 18:23:16
- ចំនួនមតិ 0 | ចំនួនចែករំលែក 0
លទ្ធផលបាក់ឌុបឆ្នាំ ២០១៦នេះ មានអ្នកជាប់ច្រើនជាងឆ្នាំមុន
ចន្លោះមិនឃើញ
លទ្ធផលប្រលងមធ្យមសិក្សាទុតិយភូមិឆ្នាំនេះ បង្ហាញថាបេក្ខជនដែលប្រលងជាប់មាន ៦២,១៨ភាគរយ គឺច្រើនជាងឆ្នាំមុន។ នេះបើតាមការបង្ហោះលើទំព័រ Facebook ក្រសួងអប់រំយុវជននិងកីឡាមុននេះបន្តិច។
តាមទំព័រ Facebook ក្រសួងបានបញ្ជាក់ថា បេក្ខជនប្រឡងជាប់ក្នុងសម័យប្រឡងឆ្នាំ២០១៦នេះ មានចំនួន ៥៥ ៧៥៣នាក់ ត្រូវជា ៦២,១៨% នៃបេក្ខជនវត្តមានចំនួន ៨៩ ៦៦១នាក់ ។ ក្នុងនោះ បេក្ខជនប្រឡងជាប់ថ្នាក់វិទ្យាសាស្ត្រ មានចំនួន ៣៨ ៤១៥នាក់ ត្រូវជា ៥៧,២៨% នៃបេក្ខជនចំនួន ៦៧ ០៧១នាក់។ បេក្ខជនប្រឡងជាប់ថ្នាក់វិទ្យាសាស្ត្រសង្គម មានចំនួន ១៧ ៣៣៨នាក់ ត្រូវជា ៧៦,៧៥% នៃបេក្ខជនចំនួន ២២ ៥៩០នាក់ ។
កាលពីឆ្នាំ២០១៥ កន្លងទៅ បេក្ខជនទូទាំងប្រទេសប្រឡងជាប់សរុបមាន ៤៦.៥៦០ នាក់ (៥៥,៨៨%) ក្នុងចំណោម ៨៣.៣២៥ នាក់។ ចំណែកឆ្នាំ២០១៤ ក្នុងកំណែទម្រង់រឹតបន្តឹងលើកដំបូង លទ្ធផលអ្នកជាប់មានចំនួនត្រឹមតែ ២៣ ១២៦ ស្នើនឹង ២៥,៧២% ក្នុងចំណោមបេក្ខជនជាង៩ម៉ឺននាក់។ ដោយលទ្ធផលអ្នកជាប់បាក់ឌុប ២០១៤ មានចំនួនតិច ក្រសួងបានរៀបចំការប្រលងទូទាំងជាលើកទីពីរក្នុងឆ្នាំ២០១៤ដដែល ដោយបេក្ខជនជាប់ចំនួន ១២ ១៩៩ នាក់ស្មើនឹង ១៧,៩៤ % ក្នុងចំណោមបេក្ខជនសរុប ៦៨ ០០០នាក់៕
អត្ថបទ៖ គង់ វិសាល