ក្រុមហ៊ុនណាជាអ្នកផលិតទូរសព្ទកាមេរ៉ាភ្លោះមុនគេ?
- 2016-09-18 21:00:22
- ចំនួនមតិ 0 | ចំនួនចែករំលែក 0
ក្រុមហ៊ុនណាជាអ្នកផលិតទូរសព្ទកាមេរ៉ាភ្លោះមុនគេ?
ចន្លោះមិនឃើញ
ក្រោយពី iPhone 7/7 Plus និង LG V20 បានបង្ហាញវត្តមានជាផ្លូវការ បានធ្វើឲ្យកាមេរ៉ាភ្លោះក្លាយជាប្រធានបទក្ដៅមួយទៀតសម្រាប់វិស័យបច្ចេកវិទ្យាទូរសព្ទ។ ក្រឡេកមើលទៅអតីតកាលអ្នកនឹងដឹងថាក្រុមហ៊ុនណា ជាអ្នកផ្ដើមគំនិតផលិតទូរសព្ទកាមេរ៉ាភ្លោះដំបូងគេ។
១. Samsung SCH-B710
Samsung ជាក្រុមហ៊ុនដំបូងគេដែលបានពាំនាំយកបច្ចេកវិទ្យាកាមេរ៉ាភ្លោះមកបំពាក់លើទូរសព្ទម៉ូដែល SCH-B710 ដែលបង្ហាញខ្លួននៅខែមេសា ឆ្នាំ ២០០៧។ កាមេរ៉ាភ្លោះលើទូរសព្ទនេះមានកម្រិត ១,៣ MP អាចចាប់យករូបភាពលក្ខណៈ 3D។
២. LG Optimus 3D
មកដល់សម័យកាលឆ្នាំ ២០១១ LG បានបង្ហាញទូរសព្ទកាមេរ៉ាភ្លោះម៉ូដែល Optimus 3D ដែលកាមេរ៉ាទាំងពីរមានកម្រិត ៥ MP និងអាចចាប់យករូបភាព 3D ដូចទូរសព្ទ Samsung ដែរ។
៣. HTC EVO 3D
HTC បានបញ្ចេញទូរសព្ទម៉ូដែល EVO 3D កាលពីឆ្នាំ ២០១១ ដើម្បីប្រជែងជាមួយនឹង LG។ EVO 3D នេះជាម៉ូដែលដំបូង និង ចុងក្រោយរបស់ HTC ដែលអាចចាប់រូបភាពបែប 3D។
៤. Sharp Aquos Phone SH-12C
កាលពីឆ្នាំ ២០១១ ក្រុមហ៊ុន Sharp ក៏បានបញ្ចេញទូរសព្ទកាមេរ៉ាភ្លោះថតរូបបែប 3D ដែលមានកាមេរ៉ាកម្រិត ៨ MP។
៥. HTC One M8
នៅឆ្នាំ ២០១៤ HTC បានបញ្ចេញទូរសព្ទកាមេរ៉ាភ្លោះម៉ូដែល One M8 ដែលបច្ចេកវិទ្យាកាមេរ៉ាភ្លោះនេះខុសប្លែកពីមុន ពោលមិនអាចចាប់យករូបភាពបែប 3D ប៉ុន្តែអាចចាប់យករូបភាពប្រភេទ Dept-of-field បានល្អ និង អាចធ្វើការ Focus បានរហ័សជាងទូរសព្ទកាមេរ៉ាទោល។
៦. Huawei Honor 6 Plus
នៅចុងឆ្នាំ ២០១៤ Huawei បានចូលរួមផលិតទូរសព្ទកាមេរ៉ាភ្លោះម៉ូដែល Honor 6 Plus ដែលមានកម្រិត ៨ MP មានសមត្ថភាពចាប់យករូបភាពខ្លាំងដូច HTC One M8 ដែរ។
៧. HTC One M9+
One M9+ ជាស្មាតហ្វូនម៉ូដែលចុងក្រោយរបស់ HTC ដែលបង្ហាញខ្លួននៅឆ្នាំ ២០១៥ ដោយមានបំពាក់កាមេរ៉ាភ្លោះកម្រិត ២០ MP និង ២១ MP។
៨. ZTE Axon
ត្បិតថា HTC បានបញ្ឈប់ការផលិតស្មាតហ្វូនកាមេរ៉ាភ្លោះ ប៉ុន្តែបច្ចេកវិទ្យានេះនៅតែត្រូវបានក្រុមហ៊ុនជាច្រើនយកទៅប្រើប្រើប្រាស់ជាបន្ត។ ជាក់ស្ដែងដូចជាក្រុមហ៊ុន ZTE បានយកទៅបំពាក់លើទូរសព្ទម៉ូដែល Axon ដែលប្រកាសចេញនៅខែតុលា ឆ្នាំ ២០១៥ ដោយមានកាមេរ៉ាមួយកម្រិត ១៣ MP និង មួយទៀត ២ MP។
៩. LG V10
ឆ្នាំ ២០១៥ ទូរសព្ទកាមេរ៉ាភ្លោះរបស់ LG បានវិលត្រឡប់មកវិញ ដែលម្ដងនេះខុសប្លែកពីមុនៗ ដោយកាមេរ៉ាភ្លោះត្រូវបានបំពាក់នៅផ្នែកខាងមុខទូរសព្ទ LG V10។ កាមេរ៉ាកម្រិត ៥ MP នៅផ្នែកខាងមុខនេះមានមួយអាចចាប់យករូបភាព ៨០ ដឺក្រេ និង មួយទៀតអាចចាប់យករូបភាពបាន ១២០ ដឺក្រេ។
១០. LG G5
បន្តមកទៀត LG បានបញ្ចេញម៉ូដែល G5 ដែលមានកាមេរ៉ាភ្លោះនៅផ្នែកខាងក្រោយម្ដង ហើយកាមេរ៉ាភ្លោះនេះមានមួយកម្រិត ១៦ MP ចាប់យករូបភាពកម្រិត ៨០ ដឺក្រេ និង មួយទៀតកម្រិត ៨ MP សម្រាប់ចាប់យករូបភាពកម្រិត ១៣៥ ដឺក្រេ។
១១. CAT S60
CAT S60 ជាទូរសព្ទកាមេរ៉ាភ្លោះដែលចម្លែកជាងគេ ព្រោះថាក្នុងចំណោមកាមេរ៉ាទាំងពីរ មានកាមេរ៉ាមួយប្រើសម្រាប់ថតរូបមានសីតុណ្ហភាព។ ១២. Huawei P9 និង P9 Plus
ឆ្នាំ ២០១៦ Huawei បានបង្ហាញទូរសព្ទកាមេរ៉ាភ្លោះម៉ូដែល P9 និង P9 Plus ដែលកាមេរ៉ាភ្លោះនេះជាការចូលរួមផលិតដោយក្រុមហ៊ុនផលិតកាមេរ៉ាដ៏ល្បីឈ្មោះ Leica។ ចំណុចនេះហើយធ្វើឲ្យ P9 និង P9 Plus អាចចាប់យករូបភាពបានល្អឥតខ្ចោះ។
១៣. Xiaomi Redmi Pro
១៤. iPhone 7 Plus
ទូរសព្ទចុងក្រោយបង្អស់ដែលមានបំពាក់កាមេរ៉ាភ្លោះជាផលិតផលរបស់ Apple នោះគឺ iPhone 7 Plus។ កាមេរ៉ាភ្លោះលើទូរសព្ទនេះមានកម្រិត ១២ MP ទាំងពីរ ដោយមួយជាប្រភេទ wide-angle និង មួយទៀតជាប្រភេទ telephoto ជំនួយដល់ការ Zoom រូបភាព៕
ចុចអាន៖ ជម្រើសកាសឥតខ្សែតម្លៃសមរម្យ សម្រាប់ iPhone 7
ប្រែសម្រួល៖ ហៃ សុខហេង ប្រភព៖ Engadget