រឿង "ជំនួញអាគម" ចាយដើមទុនអស់ ៦ម៉ឺនដុល្លារ

2016-09-20 20:09:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្លែងទៅកាន់អ្នកសារព័ត៌មានជាច្រើននាក់ កាលពីម្សិលមិញក្នុងកម្មវិធីសម្ពោធរឿង "ជំនួញអាគម" របស់ផលិតកម្មរ៉ុកនៅរោងភាពយន្ត លេជេនស្ទឹងមានជ័យ លោក យឹម សុសត្យា បានលើកឡើងថា រឿងខាងលើនេះផលិតកម្ម បានចំណាយដើមទុនអស់៦ម៉ឺនដុល្លារ។

"បាទនេះ គឺជាខ្សែភាពយន្តទី៣របស់ផលិតកម្មរ៉ុក ក្នុងឆ្នាំ២០១៦ នៅក្នុងរឿងនេះដែរផលិតកម្មរ៉ុក បានចំណាយដើមទុនអស់៦ម៉ឺនដុល្លារ។ សម្រាប់រឿងនេះវិញជាប្រភេទរឿងកំប្លែង បង្កប់ទៅដោយអាថ៍កំបាំងលងបន្លាចជាមួយនឹងគំនិតអប់រំជាច្រើនផងដែរ។ នេះបើតាមការអះអាងពី លោក យឹម សុសត្យា ។

លោក យឹម សុសត្យា អ្នកគ្រប់គ្រងការផលិតរបស់ផលិតកម្ម Rock

ចំពោះខ្សែភាពខ្នាតធំរឿង "ជំនួញអាគម" ជាស្នាដៃនិពន្ធថ្មីរបស់លោក ព្រំ ស្រស់ និងដឹកនាំសម្តែងដោយលោក ឡុង សារ៉ន ចូលរួមសម្តែងដោយតារាល្បីៗជាច្រើនដួងរួមមាន នាយ គ្រឿន អ្នកនាង ម៉ៅ ស៊ីណាត នាយ ក្រូច អ្នកនាង កាឆយ កញ្ញ រីយ៉ា និងតារាកិត្តិយសជាច្រើនរូបទៀត។

រឿង "ជំនួញអាគម" នឹងត្រូវចាក់បញ្ចាំងនៅរោងភាពយន្តទំនើបៗក្នុងរាជធានីភ្នំពេញ និងគ្រប់រោងភាពយន្តនៅខេត្តសៀមរាបចាប់ថ្ងៃទី២២ ខែ កញ្ញា ឆ្នាំ ២០១៦ ខាងមុខនេះហើយ។

ដើម្បីញ៉ាំងកម្មវិធីឲ្យកាន់តែសប្បាយរីករាយ ក្នុងកម្មវិធីសម្ពោធរឿង "ជំនួញអាគម" កាលពីម្សិលមិញនេះ អតីតបេក្ខជននៅក្នុងកម្មវិធី Cambodian Idol រដូវកាលទី១លោក អ៊ែល ចាន់ដារ៉ា បានបកស្រាយចម្រៀងមួយបទមានចំណងជើងថា "ខឹងឬស្អប់អូនអាចជេរបងបាន" តោះទៅទស្សនាទាំងអស់គ្នា៖