ពានអន្តរក្រសួងលើកទី៤មានក្រុម២៩ចូលរួមប្រកួត

2016-09-26 17:21:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់បាល់ទាត់មិនអាជីព«អន្តរក្រសួង-ស្ថាប័ន»បានចាប់ផ្តើមដំណើរការទៀតហើយដោយរដូវកាល២០១៦នេះមានក្រុម២៩បានចូលរួមប្រកួតប្រជែង និងត្រូវប្រើពេលរហូតដល់៣ខែទើបចប់។

ពានរង្វាន់អន្តរក្រសួង-ស្ថាប័នលើកទី៤ ឆ្នាំ២០១៦នេះត្រូវបានប្រកាសបើកកាលពីថ្ងៃអាទិត្យ ទី២៥ ខែកញ្ញា នៅសណ្ឋាគារសុខាដែលមានឯកឧត្តម សុខ សប្បាយណា ប្រធានគណៈកម្មការរៀបចំការប្រកួតជាអធិបតី។ ក្នុងពិធីបើកម្សិលមិញ ឯកឧត្តមមានប្រសាសន៍ថា ក្រុមការងារសប្បាយរីករាយដែលបានរៀបចំការប្រកួតពានរង្វាន់នេះជាលើកទី៤ និងលក្ខណៈធំជាងកាលពីឆ្នាំមុនៗដោយមានទាំងការផ្សាយផ្ទាល់ និងមានស្ថាប័នឯកជនជាច្រើនចូលរួមឧបត្ថម្ភគាំទ្រ។

ឯកឧត្តមបញ្ជាក់ថា ការប្រកួតនេះមិនត្រូវគិតសំខាន់លើការឈ្នះ ឬចាញ់ជាចម្បងឡើយ ប៉ុន្តែកីឡាករទាំងអស់ដែលបានចូលរួមប្រកួតត្រូវលេងប្រកបដោយឆន្ទៈ លេងឲ្យអស់ពីកម្លាំងកាយចិត្ត និងលេងដោយមោទនភាពដើម្បីសាមគ្គីភាព សុខភាពទាំងអស់គ្នា។

លក្ខន្តិកៈនៃការប្រកួតនេះ កីឡាករទាំងអស់ត្រូវមានអាយុចាប់ពី២៣ឆ្នាំឡើង និងត្រូវជាបុគ្គលិកពេញសិទ្ធិនៅក្នុងក្រសួង ឬស្ថាប័នរដ្ឋទើបអាចចូលលេងបាន។ ការប្រកួតនឹងធ្វើឡើងពីថ្ងៃចន្ទ ដល់ថ្ងៃសុក្រ ចាប់ពីថ្ងៃទី៨ ខែតុលា ដល់ថ្ងៃទី៣ ខែធ្នូ ឆ្នាំ២០១៦នៅទីលាន Premium Sports។

អ្វីដែលកាន់តែពិសេសទៀតនោះ ទូរទស្សន៍ BTV នឹងផ្សាយផ្ទាល់សម្រាប់ថ្ងៃប្រកួតបើកឆាក ប្រកួតវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ៕

ពូលទាំង៧
ពូល A	ពូល B
១-ក្រសួងសុខាភិបាល ២-ក្រសួងផែនការ ៣- ក្រសួងវប្បធម៌ និងវិចិត្រសិល្បៈ ៤-ក្រសួងកសិកម្ម រុក្ខប្រមាញ់ និងនេសាទ	១-ក្រសួងព័ត៌មាន ២-ធនាគារជាតិនៃកម្ពុជា ៣-ទីស្តីការគណៈរដ្ឋមន្ត្រី ៤- សាលារាជធានីភ្នំពេញ
ពូល C	ពូល D
១- សាលាដំបូងរាជធានីភ្នំពេញ ២- ក្រសួងបរិស្ថាន ៣- អាជ្ញាធរសវនកម្មជាតិ ៤- ក្រសួងអប់រំ យុវជន និងកីឡា	១-ក្រសួងអភិវឌ្ឍន៍ជនបទ ២-ក្រសួងមុខងារសាធារណៈ ៣-ក្រសួងការងារ និងបណ្តុះបណ្តាលវិជ្ជាជីវៈ ៤-ក្រសួងប្រៃសនីយ៍ និងទូរគមនាគមន៍
ពូល E	ពូល F
១- ក្រសួងរ៉ែ និងថាមពល ២-ក្រសួងសាធារណការ និងដឹកជញ្ជូន ៣- អគ្គលេខាធិការព្រឹទ្ធសភា ៤-ក្រសួងដែនដី នគររូបនីយកម្ម និងសំណង	១- ក្រសួងយុត្តិធម៌ ២- ក្រសួងទេសចរណ៍ ៣- ក្រសួងសង្គមកិច្ច អតីតយុទ្ធជន និងយុវនីតសម្បទា ៤- អង្គភាពប្រឆាំងអំពើពុករលួយ
ពូល G
១- ក្រសួងធនធានទឹក និងឧតុនិយម ២- ក្រសួងពាណិជ្ជកម្ម ៣- រដ្ឋលេខាធិការដ្ឋានអាកាសចរណ៍ស៊ីវិល ៤- ក្រសួងការបរទេស និងកិច្ចសហប្រតិបត្តិការអន្តរជាតិ ៥- ក្រសួងឧស្សាហកម្ម និងសិប្បកម្ម

អត្ថបទ៖ ជាន ចាន់រ៉ា

ពាក្យទាក់ទង

កីឡាបាល់ទាត់ជាតិ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?