អនុប្រធាន E-Sports កម្ពុជាបញ្ជាក់ពីគុណតម្លៃនៃការប្រកួតជើងឯកថ្នាក់ជាតិ២០១៦

2016-09-26 16:51:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្ដម ជា ច័ន្ទបរិបូណ៍ អនុប្រធានសហព័ន្ធកីឡាអេឡិចត្រូនិកកម្ពុជាបានបញ្ជក់ពីគុណតម្លៃនៃការប្រកួតជើងឯកថ្នាក់ជាតិ សម្រាប់ឆ្នាំ២០១៦ដែលការប្រកួតផ្ដាច់ព្រ័ត្រនឹងធ្វើឡើងនៅថ្ងៃទី២៦-២៧ ខែវិច្ឆិកា នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។

អនុប្រធានរូបនេះបានឲ្យដឹងថា ប្រភេទកីឡា E-Sports ត្រូវបានទទួលស្គាល់ដោយគណៈកម្មាធិការជាតិអូឡាំពិក។ ចំពោះការប្រកួតជើងឯកថ្នាក់ជាតិវាមានតម្លៃខ្លាំងដើម្បីចម្រាញ់យកអ្នកខ្លាំងគ្រប់បណ្ដាខេត្តមកធ្វើការបណ្ដុះបណ្ដាលបន្ថែម ដើម្បីត្រៀមប្រកួតព្រឹត្តិការណ៍ធំៗលើឆាកអន្តរជាតិ។

ចង់ដឹងថាឯកឧត្ដមបញ្ជាក់អ្វីខ្លះសូមមើលវីដេអូខាងក្រោម៖

ការចុះឈ្មោះ ការចុះឈ្មោះនឹងចាប់ផ្ដើមនៅថ្ងៃទី១៤ ខែកញ្ញា ឆ្នាំ២០១៦ តាមរយៈសហព័ន្ធកីឡាអេឡិចត្រូនិកកម្ពុជា។ ការចុះឈ្មោះតម្រូវឲ្យមានប្រធានក្រុមជាអ្នករស់នៅក្នុងខេត្ត ឬក្រុងដែលប្រកួត។

ការប្រកួត ការប្រកួត AK2 Online និង Dota2 ទាំង៥តំបន់ តំបន់ទី១ មាន ខេត្តកំពង់ចាម ក្រចេះ ស្ទឹងត្រែង រតនគិរី និងមណ្ឌលគិរី (ប្រកួតនៅថ្ងៃទី ១៥ ខែតុលា ឆ្នាំ២០១៦) តំបន់ទី២ មាន ខេត្តកំពង់ធំ ព្រះវិហារ សៀមរាប និងឧត្តរមានជ័យ (ប្រកួតនៅថ្ងៃទី ២២ ខែតុលា ឆ្នាំ២០១៦) តំបន់ទី៣ មាន ខេត្តកំពង់ឆ្នាំង ពោធិសាត់ បាត់ដំបង និង បន្ទាយមានជ័យ (ប្រកួតនៅថ្ងៃទី ២៩ ខែតុលា ឆ្នាំ២០១៦) តំបន់ទី៤ មាន ខេត្តតាកែវ កំពត ក្រុមព្រះសីហនុ ខេត្តកោះកុង និងកំពង់ស្ពឺ (ប្រកួតនៅថ្ងៃទី ៥ ខែវិច្ឆិកា ឆ្នាំ២០១៦) តំបន់ទី៥ មានរាជាធានីភ្នំពេញ ខេត្តកណ្ដាល ព្រៃវែង និងខេត្តស្វាយរៀង (ប្រកួតនៅថ្ងៃទី ១២ ខែវិច្ឆិកា ឆ្នាំ២០១៦)

-ចុចអាន៖ សហព័ន្ធ E-Sports កម្ពុជាប្រកាសបើកការប្រកួតជើងឯកជាតិ ២០១៦ លើ២វិញ្ញាសា

អត្ថបទ៖ ស្រី សុវណ្ណដារ៉ា