រមណីយដ្ឋាន ឋានសួគ៌បូកគោ ចុះអ័ព្ទខ្លាំង ក្នុងរដូវវស្សា

2016-09-27 16:37:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រមណីយដ្ឋាន ឋានសួគ៌បូកគោ ស្ថិតនៅក្នុងខេត្តកំពត គឺជារមណីយដ្ឋានដែលទទួលបានការចាប់អារម្មណ៍ខ្លាំងពីសំណាក់ភ្ញៀវជាតិ និង អន្ដរជាតិ តាមរយៈនៅលើភ្នំនេះមានដូចជា វាលស្រែមួយរយ ទឹកធ្លាក់ និងអាចមើលទេសភាពមកខាងក្រោមយ៉ាងស្រស់ស្អាតអាចចាប់ពពកបានផងដែរ។

ទន្ទឹមនឹងនេះ ភ្នំបូកគោ ដែលមានកម្ពស់ ១០៧ម៉ែត្រ មានធាតុអាកាសត្រជាក់បង្គួរដែលធ្វើឲ្យរុក្ខជាតិទាំងឡាយមានភាពរីកស្រស់គ្រប់ពេលវេលា ព្រមទាំងមានទេសភាពធម្មជាតិដ៏ល្អៗ ដូចជា មានផ្ទាំងថ្មធំៗជាច្រើនឥតគណនា នៅរាយប៉ាយក្រោមដើមរុក្ខជាតិ ខ្លះនៅកណ្ដាលវាល ខ្លះទៀតមើលទៅមានរាងដូចសត្វផ្សេងៗ ឬជារាងសំពៅជាដើម។

ដោយសារតែអាកាសធាតុនៅលើភ្នំនេះ ត្រជាក់បង្គួរជាប្រចាំ ដោយនៅក្នុងរដូវវស្សា ស្ថានភាពអាកាសធាតុនៅលើភ្នំនេះ កាន់តែមានសំណើម និងចុះអ័ព្ទខ្លាំង ដែលធ្វើឲ្យស្ថានភាពអ្នកបើកបររថយន្តឡើងភ្នំ ត្រូវតែបង្កើនការប្រុងប្រយ័ត្នខ្ពស់ ព្រោះពិបាកមើលផ្លូវ ដូច្នេះ អ្នកបើកឡានទាំងឡាយរមែងបើកហ្វាជាសញ្ញាឲ្យឡានម្ខាងទៀតបានដឹង។

ក្រុមការងារផ្លូវទៅស្រុកឡើងលើភ្នំបូកគោ ចំពេលអ័ព្ទចុះខ្លាំង

គួរបញ្ជាក់ថា ភ្នំបូកគោ គឺមានចម្ងាយប្រមាណជាជាង ៤០គីឡូម៉ែត្រ ពីក្រុងកំពត។ ក្រុមបរទេសបានមកដល់ដំបូងគេនៅឆ្នាំ១៩១៧ លុះក្រោមមកជនជាតិបារាំងម្នាក់ឈ្មោះ រូលួស បានរៀបចំឡើងនាថ្ងៃទី១៣ ខែមេសា ឆ្នាំ១៩២២ ក្នុងរាជ្ជកាលព្រះបាទស៊ីសុវត្ថិ៕