អង្ករកម្ពុជាមានលួចក្លែងបន្លំ សហព័ន្ធសម្រេចបិទតែមចំណាំ
- 2016-09-27 18:11:45
- ចំនួនមតិ 0 | ចំនួនចែករំលែក 0
អង្ករកម្ពុជាមានលួចក្លែងបន្លំ សហព័ន្ធសម្រេចបិទតែមចំណាំ
ចន្លោះមិនឃើញ
ដើម្បីការពារការលួចក្លែងបន្លំ លាយអង្ករពីបរទេសដាក់លក់លើទីផ្សាថាជាអង្ករកម្ពុជា ព្រមទាំងធានាឲ្យបានគុណភាពនិងអនាម័យ ក្រុមប្រឹក្សាភិបាលសហព័ន្ធស្រូវអង្ករកម្ពុជា សម្រេចដាក់ចេញនូវតែមសំគាល់អង្ករកម្ពុជា ( Cambodia Rice Seal) ដោយមាននិមិត្តសញ្ញា "សហព័ន្ធស្រូវអង្ករកម្ពុជា" ជាការសំគាល់ថា ពិតជាអង្ករកម្ពុជា ១០០%។
ថ្មីៗនេះមានការលួចក្លែងបន្លំសំបកបាវ និងការលួចលាយបន្លំអង្ករពីសំណាក់ឈ្មួញខិលខូចមួយចំនួន ស្របពេលដែលរាជរដ្ឋាភិបាលបានអំពាវនាវដល់សាធារណជនទាំងអស់ឲ្យជួយទិញអង្ករកម្ពុជា។ សកម្មភាពបន្លំនេះត្រូវបានគេចាត់ទុកថា ជាការឆក់ឱកាសធ្វើឲ្យកសិករពិបាកដោះស្រាយវិបត្តិតម្លៃស្រូវ អង្ករបាន។
សហព័ន្ធស្រូវអង្ករកម្ពុជានឹងធ្វើការសហការជាមួយក្រុមហ៊ុនត្រួតពិនិត្យគុណភាពនិងអនាម័យ រួមទាំងអាជ្ញាធរពាក់ព័ន្ធ ដូចជាខាងអគ្គនាយកដ្ឋានកាំកុងត្រូនៃក្រសួងពាណិជ្ជកម្ម ដើម្បីចាត់វិធានការចុះត្រួតពិនិត្យចំពោះដេប៉ូចែកចាយលក់ដុំនិងរាយ រួមទាំងរោងម៉ាស៊ីនកែច្នៃស្រូវអង្ករទាំងអស់ផងដែរ។
អត្ថបទ៖ លឹម សុនា