តារាសិង្ហបុរីល្បីៗរំភើបចិត្តខ្លាំងពេលមកលេងអង្គរវត្ត
- 2016-09-27 20:16:33
- ចំនួនមតិ 0 | ចំនួនចែករំលែក 0
តារាសិង្ហបុរីល្បីៗរំភើបចិត្តខ្លាំងពេលមកលេងអង្គរវត្ត
ចន្លោះមិនឃើញ
តារាប៉ុស្តិ៍លេខ៨សិង្ហបុរីរួមមាន Zoe Tay, Elvin Ng, Romeo Tan និងPaige Chua បានមកផ្សព្វផ្សាយរឿងរបស់ពួកគេកាលពីសុក្រ ទី២៣ សប្ដាហ៍មុនក្នុងទីក្រុងភ្នំពេញ និងចំណាយពេលខ្លះជួបអ្នកគាំទ្រក៏ដូចជាធ្វើដំណើរកម្សាន្តទៅខេត្តសៀមរាប ប្រទេសកម្ពុជាផងដែរ។
ពួកគេបានពាំនាំរឿង២មកផ្សព្វផ្សាយនៅកម្ពុជាគឺ “The Dream Makers 2 “ និង “If Only I Could”។ នៅថ្ងៃបន្ទាប់ ក្រុមតារាទាំង៤បានទៅជួបអ្នកគាំទ្រនៅខេត្តសៀមរាបប្រមាណជា១០០០នាក់ និងធ្វើការសម្ដែងចម្រៀងផងដែរ។
នៅថ្ងៃសៅរ៍ ទី ២៥ ខែ កញ្ញា Zoe Tay, Elvin Ng, Romeo Tan និងPaige Chua បាននាំគ្នាទៅទស្សនាប្រាសាទអង្គរវត្តដែលជាសំណង់ដ៏អស្ចារ្យរបស់កម្ពុជា ព្រមទាំងបានថតរូបជាច្រើនស្លឹកបង្ហោះចូលបណ្ដាញសង្គម Instagram ដើម្បីឲ្យអ្នកគាំទ្រលើពិភពលោកបានឃើញ។ ជាមួយគ្នានេះ តារាសម្ដែងស្រី Zoe Tay បានបង្ហោះរូបប្រាសាទអង្គរវត្តលើ Page របស់ខ្លួននិងសរសេរភ្ជាប់ថា៖"ទីកន្លែងមួយ ខ្ញុំតែងចង់មកទស្សនា ហើយពិតជារំភើបខ្លាំងណាស់ ពេលដែលទីបំផុតខ្ញុំមកដល់ទីនេះ"។
ក្រៅពីទស្សនាប្រាសាទអង្គរវត្ត តារាទាំង៤ក៏បានស្លៀកពាក់នៅសំលៀកបំពាក់បុរាណខ្មែរដែលធ្វើពីសូត្រ កំឡុងពេលធ្វើកិច្ចសម្ភាសន៍ផ្សព្វផ្សាយរឿងទាំង២ខាងលើ។ និយាយពី Zoe Tayនិង Elvin Ng នេះមិនមែនជាលើកទី១ទេដែលអ្នកទាំងពីមកផ្សព្វផ្សាយរឿងនៅកម្ពុជា។ កាលពីខែ ឧសភា ឆ្នាំ ២០១៥ ពួកគេបានបង្ហាញភាពយន្តរឿង “You Can Be An Angel Too “ ឬ “សន្ដានចិត្តអ្នកមានបុណ្យ”៕
ផ្សាររាត្រី
ចុចអាន៖តារាល្បីអន្តរជាតិ៥រូបបានមកលេងអង្គរវត្ត ត្រឹមពាក់កណ្ដាលឆ្នាំ២០១៦
ប្រែសម្រួល៖ ហេង សុធារិទ្ធិ ប្រភព៖ toggle