អារម្មណ៍ប្រពន្ធ និងគូដណ្ដឹងកីឡាករ ពេលបុណ្យភ្ជុំបិណ្ឌ មិនបានក្បែរគ្នា
- 2016-09-28 16:54:04
- ចំនួនមតិ 0 | ចំនួនចែករំលែក 0
អារម្មណ៍ប្រពន្ធ និងគូដណ្ដឹងកីឡាករ ពេលបុណ្យភ្ជុំបិណ្ឌ មិនបានក្បែរគ្នា
ចន្លោះមិនឃើញ
ពិធីបុណ្យកាន់បិណ្ឌ បានប្រព្រឹត្តទៅប៉ុន្មានថ្ងៃហើយ ហើយពិធីបុណ្យភ្ជុំបិណ្ឌ ក៏កាន់តែជិតចូលមកដល់ដែរ ខណៈប្រជាជនកម្ពុជាសឹងតែគ្រប់គ្នាបានទៅជួបជុំបងប្អូនជិតឆ្ងាយដើម្បីទៅវត្តធ្វើបុណ្យកុសលរៀងៗខ្លួន។ យ៉ាងណាមិញ បើក្រឡេកទៅមើលក្រុមបាល់ទាត់ជម្រើសជាតិកម្ពុជាកំពុងស្ថិតនៅប្រទេសសិង្ហបុរីដើម្បីហ្វឹកហាត់ដែលធ្វើឲ្យពួកគាត់ឃ្លាតឆ្ងាយពីក្រុមគ្រួសាររយៈពេល១០ថ្ងៃ។
ខាងក្រោមនេះជាអារម្មណ៍ផ្ទាល់របស់ប្រពន្ធនិងគូបណ្ដឹងកីឡាករបាល់ទាត់២នាក់ទាក់ទិននិងពិធីបុណ្យភ្ជុំបិណ្ឌនេះ៖
១. អ្នកស្រី ពេជ្រ សង្វា ប្រពន្ធរបស់ ឃួន ឡាបូរ៉ាវី
“ខ្ញុំមានអារម្មណ៍ថាអត់សូវសប្បាយចិត្តដែរហ្នឹងបង ពេលគាត់មិននៅជិត តែធ្វើមិចនេះជាកាតព្វកិច្ច ការងាររបស់គាត់ណាបង។ ហើយម្យ៉ាងទៀតរៀងទម្លាប់ហើយបងអើយ ព្រោះគាត់សឹងតែ៣ឆ្នាំហើយ ឱ្យតែដល់រដូវភ្ជុំបិណ្ឌគឺគាត់តែងតែរវល់បែបនេះរហូត។ តែក៏សប្បាយចិត្តនិងមានមោទនភាពចំពោះគាត់ ទោះគាត់មិនបាននៅភ្ជុំជាមួយពិតមែន តែគាត់មិននៅនេះ ព្រោះតែធ្វើគ្រប់យ៉ាងដើម្បីជូនជាតិ ក្នុងនាមជាកីឡាករជម្រើសជាតិ”។ សម្ដីរបស់អ្នកស្រី ពេជ្រ សង្វា ។
២. ប្រាក់ ស្រីរ័ត្ន គូដណ្ដឹងរបស់ ប្រាក់ មុន្នីឧត្តម
នារីដ៏ស្រស់សោភា ប្រាក់ ស្រីរ័ត្ន គូដណ្ដឹងរបស់កីឡាករឆ្នើម ប្រាក់ មុន្នីឧត្តម បានរៀបរាប់អារម្មណ៍លើបណ្ដាញសង្គម Facebook ថា៖ “តាំងពីបិណ្ឌ១ រហូតមកដល់ថ្ងៃនឹង មិនទាន់បានទៅវត្តជាមួយគ្នាបាន១វត្តទេ មិនដឹងថាភ្ជុំនឹងបានទៅវត្តមួយគ្នាអត់ទេ បើមកពីប្រទេសសិង្ហបុរីវិញនៅថ្ងៃ៣០ឯណោះ ហើយ Miss U Bros Mav Park Monyudom”។
ឆ្លើយតបនឹងសាររបស់មនុស្សសំខាន់ម្នាក់ខាងលើនេះ មុន្នីឧត្តម បានបង្ហោះថា៖ “វាគ្មានបញ្ហាអីនោះទេ អូនសំលាញ់ ព្រោះនេះជាភារកិច្ចដ៏សំខាន់របស់បងផ្ទាល់និងប្រទេសជាតិផងដែរ អរគុណខ្លាំងណាស់ដែលបារម្ភពីបង។ ចង់សម្រេចជោគជ័យត្រូវតែហានលះបង់ អ្វីម្យ៉ាងណា Ok Love U”។
អត្ថបទ៖ មុន្នី រម្យ រូបភាព៖ FB
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
