ខ្នរផ្ដល់រង្វាន់ប្រាក់លានក្នុងឱកាសបុណ្យភ្ជុំបិណ្ឌ
- 2016-09-28 23:04:00
- ចំនួនមតិ 0 | ចំនួនចែករំលែក 0
ខ្នរផ្ដល់រង្វាន់ប្រាក់លានក្នុងឱកាសបុណ្យភ្ជុំបិណ្ឌ
ចន្លោះមិនឃើញ
ក្នុងឱកាសបុណ្យភ្ជុំបិណ្ឌឆ្នាំនេះ គឺខុសពីរាល់ឆ្នាំសម្រាប់អ្នកមីង វ៉ាន់ សុខុម។ គាត់សប្បាយចិត្ត និងរំភើបជាងរាល់ឆ្នាំ ដោយសារតែគាត់បានឈ្នះរង្វាន់ជាទឹកប្រាក់ពីការប្រើប្រាស់ម្សៅស៊ុបខ្នរ។
អ្នកមីង វ៉ាន់ សុខុម វ័យ៥៥ឆ្នាំ រស់នៅភូមិក្បាលកោះ ឃុំឈើខ្មៅ ស្រុកកោះធំ ខេត្តកណ្តាល និយាយថា៖ "ខ្ញុំសប្បាយចិត្តណាស់ដែលឈ្នះរង្វាន់ ១០ ម៉ឺនរៀល ពីម្សៅស៊ុបខ្នរចំរដូវបុណ្យភ្ជុំនេះ ព្រោះវាអាចជួយការចំណាយបានខ្លះ"។
គាត់ជាអ្នកឈ្នះរង្វាន់មួយរូបក្នុងចំណោមអតិថិជនជាច្រើននាក់ផ្សេងទៀតដែលមានឱកាសឈ្នះរាប់ពាន់រង្វាន់ពីផលិតផលម្សៅស៊ុបខ្នរ សរុបជាទឹកប្រាក់ចំនួន ២៦៥ លានរៀល។
ឯបងស្រី ពុធ វឌ្ឍនា ដែលជាចុងភៅប្រចាំគ្រួសារ និងជាអ្នកលក់គុយទាវនៅទីក្រុងភ្នំពេញ ក៏នឹកស្មានមិនដល់ថាគាត់ក៏បានឈ្នះរង្វាន់ផងដែរ។បងស្រី ពុធ វឌ្ឍនា បាននិយាយថា៖ "មុនដំបូង ខ្ញុំអត់ជឿដែរ។ ខ្ញុំបើកមើល ខ្ញុំបញ្ជាក់សួរប្ដីខ្ញុំម្ដង។ ប្តីខ្ញុំថា ប្រហែលជាមិនមែនត្រូវទេ។ ខ្ញុំអត់អស់ចិត្ត ខ្ញុំមកសួរអ្នកលក់ អ្នកលក់ថាត្រូវ។ ហើយខ្ញុំសប្បាយចិត្តណាស់ដែលបានត្រូវ ១០ ម៉ឺន អ៊ីចឹង ព្រោះអត់ដែលត្រូវរង្វាន់សោះតែម្តង"។
នារដូវបុណ្យភ្ជុំនេះ ក្រុមហ៊ុន យូនីលីវើ កម្ពុជា ដែលចែកចាយផលិតផលម្សៅស៊ុបខ្នរ និងដុំស៊ុបខ្នរ ដែលជាស្លាកយីហោលំដាប់ថ្នាក់ពិភពលោក ហើយក៏ជាផលិតផលដែលប្រជាជនខ្មែរនិយមចូលចិត្ត ផ្ដល់ប្រាក់រង្វាន់រាប់លានរៀល ដែលចូលរួមធ្វើឲ្យការជួបជុំក្រុមគ្រួសាររបស់ប្រជាជនខ្មែរកាន់តែរីករាយក្នុងរដូវបុណ្យភ្ជុំនេះ។
រង្វាន់ដែលផ្តល់ជូនមាន ៣ ប្រភេទ គឺ ៥ លានរៀល ១លានរៀល និង ១០ ម៉ឺនរៀល សរុបទឹកប្រាក់ចំនួន ២៦៥ លានរៀល។ ការប្តូររង្វាន់ចាប់ផ្ដើមពីថ្ងៃនេះ រហូតដល់ថ្ងៃទី៣១ ធ្នូ ២០១៦។ សម្រាប់ព័ត៌មានបន្ថែម សូមអានខាងក្រោយកញ្ចប់។
ម្សៅស៊ុបខ្នរ និងដុំស៊ុបខ្នរ ធានាធ្វើឲ្យម្ហូបកាន់តែឈ្ងុយឆ្ងាញ់មានជាតិ ព្រោះផលិតពីសាច់មាន់សុទ្ធ គុណភាពខ្ពស់ផ្តល់នូវរសជាតិសាច់ពិតៗ និងគ្រឿងទេសល្អៗជាច្រើន។ ម្សៅស៊ុបខ្នរ គឺប្រើសម្រាប់គ្រប់មុខម្ហូបប្រភេទគោក ដូចជា ឆា ប្រឡាក់ និងញាំ ជាដើម រីឯដុំស៊ុបខ្នរ ប្រើសម្រាប់គ្រប់សម្លទឹក ដូចជា ស្ងោរគ្រប់ប្រភេទ ប្រហើរ និងស៊ុប ជាដើម៕
អត្ថបទ៖ ពាណិជ្ជកម្ម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
